14.09.2026 | 19:54
Մայր Աթոռը դատապարտել է Գանձասարի և Դադիվանքի հայկական ինքնությունը խեղաթյուրելու Հաջիևի փորձերը
Փաշինյանը մետրոյի կայարանների չթույլատրվող վայրերից ուղիղ եթեր է մտել․ մետրոպելիտենը պարզաբանում է
Քաղաքականություն
22.03.2026 | 13:36
ՀՀ վարչապետ Նիկոլ Փաշինյանն այսօր վաղ առավոտից կուսակիցների հետ շրջում է Երևանում։ Այսօր ՔՊԿ-ի ներկուսակցական քարոզարշավի վերջին օրն է։
Փաշինյանը մետրոյի «Հանրապետության հրապարակ» կայարանից գնացքով ժամանեց Գարեգին Նժդեհի հրապարակ։ Ամբողջ ընթացքը՝ մետրոյի կայարան մուտք գործելը և երթևեկությունը, Փաշինյանը ցուցադրեց ուղիղ եթերում։
Երևանի մետրոպոլիտենում նկարահանումներն արգելվում են՝ անվտանգային նկատառումներով։ Կառույցը համարվում է ռազմավարական։ Լրատվամիջոցներին, օրինակ, մետրոպոլիտենի ղեկավարությունը միայն գրավոր դիմումից հետո է թույլատրում նկարահանումներ անել, այն էլ՝ հստակ կայարանում։
Factor.am-ը Երևանի մետրոպոլիտեի մամուլի խոսնակից հետաքրքրվեց՝ ինչպե՞ս է Փաշինյանը ռազմավարական նշանակության օբյեկտից երկարատև ուղիղ եթեր ապահվում, երբ մյուսներին չի թույլատրվում։
«Երևանի մետրոպոլիտեն ՓԲԸ-ի 100% բաժնետերը հանդիսանում է ՀՀ կառավարությունը, և կառավարության ղեկավարն իրավունք ունի նկարահանումներ անել»,- ասաց մամուլի խոսնակ Աննա Ասլանյանը։
Նարեկ Կիրակոսյան
