21.05.2026 | 11:04
Ուկրաինական ԱԹՍ-ների հարձակման հետևանքով Սիզրանի նավթավերամշակման գործարանը հրդեհվել է․ զոհեր կան
Մոջթաբա Խամենեին հերքում է Թուրքիայի և Օմանի վրա հարձակումներին Թեհրանի մասնակցությունը. Իրանի գերագույն առաջնորդը նոր ուղերձով է հանդես եկել
Քաղաքականություն
20.03.2026 | 21:43
Իրանի գերագույն առաջնորդը հրապարակել է ևս մեկ մարտահրավեր նետող գրավոր հայտարարություն, որում գովաբանում է իրանցիների անսասանությունը Միացյալ Նահանգների և Իսրայելի կողմից սկսված պատերազմի երեք շաբաթ անց, գրում է France 24-ը։
Այաթոլլահ Մոջթաբա Խամենեին ասել է, որ ԱՄՆ-ի և Իսրայելի հարձակումները հիմնված են այն պատրանքի վրա, որ բարձրաստիճան առաջնորդներին սպանելով՝ նրանք կարող են տապալել կառավարությունը։ Նրա գրավոր հայտարարությունը, որը նվիրված էր պարսկական Նոր տարվան՝ Նովրուզին, ընթերցվել է իրանական հեռուստատեսությամբ։ Նա գովաբանել է իրանցիներին «քաղաքներում, թաղամասերում և մզկիթներում ազգային պաշտպանական ճակատ և ամրություններ կառուցելու, այնպիսի շփոթեցնող հարված հասցնելու համար, որ թշնամին ընկել է հակասությունների և իռացիոնալ հայտարարությունների մեջ»։
Իրանի գերագույն առաջնորդը նաև խոսել է հարևան երկրների հետ հարաբերություններից։ Նա կոչ է արել երկու եղբայրական երկրներին՝ Աֆղանստանին և Պակիստանին, ավելի սերտ հարաբերություններ հաստատել միմյանց հետ, խուսափել մահմեդական համայնքի պառակտումից, նաև պատրաստակամություն է հայտնել իր կողմից ձեռնարկել անհրաժեշտ քայլեր։
Մոջթաբա Խամենեին նաև հայտարարել է, որ Թուրքիայում և Օմանում հարձակումները չեն իրականացվել իրանական ուժերի կամ դրանց հետ կապված խմբավորումների կողմից։
«Ես նաև կցանկանայի նշել, որ Թուրքիայում և Օմանում, որոնք երկուսն էլ լավ հարաբերություններ ունեն մեզ հետ, այդ երկրների որոշ հատվածների դեմ իրականացված հարձակումները չեն իրականացվել Իսլամական Հանրապետության զինված ուժերի կամ Դիմադրության ճակատի այլ ուժերի կողմից: Սա սիոնիստական թշնամու կողմից կեղծ դրոշի մարտավարության կիրառման հնարք է՝ Իսլամական Հանրապետության և նրա հարևանների միջև պառակտում ստեղծելու համար, և դա կարող է տեղի ունենալ նաև որոշ այլ երկրներում»,- ասվում է հայտարարության մեջ:
Թարգմանությունը՝ Էմմա Չոբանյանի
