Ինչո՞ւ ինձ չէիք ասել Փերլ Հարբորի մասին. Թրամփը զարմացրել է Ճապոնիայի վարչապետին․ AFP

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

ԱՄՆ նախագահ Դոնալդ Թրամփը հինգշաբթի զարմացրել է Ճապոնիայի վարչապետին՝ հիշատակելով 1941 թվականին Փերլ Հարբորի վրա հարձակումը․ թվացյալ թեթևամիտ դիտողություն, որը, անկասկած, անհանգստություն կառաջացնի այն երկրում, որն այժմ ԱՄՆ-ի ամուր դաշնակիցն է, ասվում է AFP-ի անդրադարձում։

Թրամփը Ճապոնիայի վարչապետ Սանաե Տակաիչիի հետ հանդիպմանը լրագրողների հետ խոսել է այն մասին, թե ինչու չի տեղեկացրել դաշնակիցներին փետրվարի 28-ին ԱՄՆ-ի և Իսրայելի կողմից Իրանի վրա հարձակումից առաջ։

«Մենք ոչ մեկին չենք ասել այդ մասին, քանի որ ցանկանում էինք անակնկալ։ Ո՞վ ավելի լավ գիտի անակնկալի մասին, քան Ճապոնիան»,- ասել է Թրամփը Օվալաձև աշխատասենյակում։

Տակաիչիին նայելով՝ ԱՄՆ 79-ամյա նախագահը հարցրել է․ «Ինչո՞ւ ինձ չէիք ասել Փերլ Հարբորի մասին»։

Տակաիչին ոչինչ չի ասել, բայց, կարծես, թեթևակի հառաչել է, գրում է գործակալությունը։

1941 թվականի դեկտեմբերի 7-ին Ճապոնիայի կայսրությունը կանխարգելիչ հարձակում էր սկսել Խաղաղ օվկիանոսում գտնվող կարևորագույն ամերիկյան բազայի՝ Հավայան կղզիների Փերլ Հարբորի վրա՝ հույս ունենալով վճռական հարված հասցնել՝ մինչև ԱՄՆ-ի՝ Երկրորդ համաշխարհային պատերազմում սպասվող ներգրավումը։ Հարձակումը, որը նախագահ Ֆրանկլին Ռուզվելտն անվանել էր «անփառունակ», խլեց ավելի քան 2400 ամերիկացիների կյանք։

Միացյալ Նահանգները Երկրորդ համաշխարհային պատերազմն ավարտեց՝ Ճապոնիայի վրա երկու ատոմային ռումբ նետելով, որը պատմության մեջ միջուկային զենքի օգտագործման միակ դեպքն է։

Պատերազմի պատմությունը նուրբ թեմա է մնում ճապոնացիների համար, որոնք տասնամյակներ շարունակ սերտ դաշինք են պահպանել Միացյալ Նահանգների հետ և հույս ունեին հաղթահարել հակամարտության հիշողությունները։

Տակաիչին, որը հայտնի է իր ազգայնական հայացքներով, նախկինում հայտարարել էր, որ Ճապոնիան պաշտպանական պատերազմ է մղել, և որ չափազանց շատ ներողություն է խնդրել տուժած ասիական երկրներից։

Անցյալ տարի Թրամփը Գերմանիայի կանցլեր Ֆրիդրիխ Մերցի հետ հանդիպման ժամանակ ևս մեկ ուշագրավ հղում էր արել Երկրորդ համաշխարհային պատերազմին՝ նշելով, որ նացիստների կողմից օկուպացված Ֆրանսիայում դաշնակիցների վայրէջքը գերմանացիների համար «ամենից հաճելի օրը չէր»։

Մերցը պատասխանել էր, որ գերմանացիները պարտական ​​են ամերիկացիներին, քանի որ, վերջին հաշվով, «դա իր երկրի ազատագրումն էր նացիստական ​​բռնապետությունից»։

Թրամփը արդարացրել է Իրանի վրա իր հարձակումները՝ պնդելով, որ այն մոտ է միջուկային զենք ձեռք բերելուն, ինչը չի աջակցվում ՄԱԿ-ի միջուկային վերահսկողության մարմնի և դիտորդների մեծ մասի կողմից։ Նա նաև կոչ է արել իրանցիներին՝ տապալել կրոնապետությունը, չնայած ռեժիմի փոփոխությունը որպես նպատակ չի դրել։

Թարգմանությունը՝ Էմմա Չոբանյանի