Սաուդյան Արաբիան հայտարարել է, որ իրեն «իրավունք է վերապահում ռազմական գործողություններ ձեռնարկել» Իրանի դեմ

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Սաուդյան Արաբիան կոչ է արել Իրանին դադարեցնել Պարսից ծոցի երկրների վրա հարձակումները՝ հայտարարելով, որ իրեն իրավունք է վերապահում, անհրաժեշտության դեպքում, ռազմական գործողություններ ձեռնարկել Թեհրանի դեմ, գրում է DW-ն։

«Իրանի հարձակումները հարևան երկրների վրա նախապես ծրագրված էին, և այն, ինչ մենք հիմա տեսնում ենք, հաստատում է դա»,- ասել է Սաուդյան Արաբիայի արտաքին գործերի նախարար, արքայազն Ֆեյսալ բին Ֆարհանը՝ մերժելով Իրանի այն փաստարկը, որ իր հարձակումներն ուղղված են տարածաշրջանում գտնվող ԱՄՆ ռազմաբազաներին։

Բին Ֆարհանը Ռիադում արաբական և իսլամական երկրների արտաքին գործերի նախարարների հետ բանակցություններից հետո ասել է, որ Թեհրանի ռեժիմն իր գործողություններով խորացնում է սեփական մեկուսացումը։

«Ես հույս ունեմ, որ նրանք կհասկանան այսօրվա հանդիպման ուղերձը, արագ կվերանայեն հաշվարկները և կդադարեն հարձակվել իրենց հարևանների վրա։ Մենք օգտագործելու ենք մեր ունեցած բոլոր լծակները՝ քաղաքական, տնտեսական, դիվանագիտական՝ այս հարձակումները դադարեցնելու համար»,- ասել է բին Ֆարհանը։

Reuters-ը հաղորդել էր, որ Սաուդյան Արաբիայի մայրաքաղաքի վրա հրթիռներ են նկատվել այն հյուրանոցի մոտ, որտեղ հավաքվել էին շուրջ մեկ տասնյակ երկրների, այդ թվում՝ Թուրքիայի, Արաբական Միացյալ Էմիրությունների, Հորդանանի, Կատարի և Սիրիայի արտգործնախարարները։

Սաուդյան Արաբիայի Պաշտպանության նախարարությունը հայտարարել է, որ Էր Ռիադին ուղղված չորս իրանական բալիստիկ հրթիռներ են խոցվել, ինչպես նաև հարյուրավոր հրթիռներ և անօդաչու թռչող սարքեր։ Հակամարտության սկսվելուց ի վեր առաջին անգամ, ըստ տեղեկությունների, քաղաքի բնակիչները լսել են պայթյուններ կամ ստացել են նախազգուշացնող հաղորդագրություններ։

Բին Ֆարհանն ասել է, որ Սաուդյան Արաբիան դեռևս նախընտրում է դիվանագիտության ուղին, բայց զգուշացրել է. «Եթե Իրանն անմիջապես չդադարեցնի, կարծում եմ՝ գրեթե ոչինչ չի լինի, որը կարող է վերականգնել վստահությունը։ Իրանի կողմից այս ճնշումը քաղաքական և բարոյական առումով հակառակ արդյունք կտա։ Իհարկե, մենք իրավունք ենք վերապահում մեզ, անհրաժեշտության դեպքում, ռազմական գործողություններ ձեռնարկել»։

Թարգմանությունը՝ Էմմա Չոբանյանի