18.03.2026 | 15:51
ՄԱԿ-ի ծովային կազմակերպությունը հատուկ նիստ է անցկացնում Լոնդոնում
ԱՄՆ-ը հարվածել է Հորմուզի նեղուցի մոտ Իրանի հրթիռային օբյեկտներին
Քաղաքականություն
18.03.2026 | 12:59
ԱՄՆ զինված ուժերը հայտարարել են, որ իրենց զինանոցում առկա ամենահզոր ռումբերից մի քանիսով հարվածել են Հորմուզի նեղուցի մոտ գտնվող իրանական հրթիռային կայաններին, գրում է France 24-ը։
«ԱՄՆ ուժերը հաջողությամբ կիրառել են խորը թափանցող զինամթերք Իրանի ափամերձ գծի երկայնքով Հորմուզի նեղուցի մոտ գտնվող ամրացված իրանական հրթիռային կայանների վրա։ Այդ կայաններում գտնվող իրանական հակածովային թևավոր հրթիռները վտանգ էին ներկայացրել նեղուցում միջազգային նավագնացության համար»,- ասվում է ԱՄՆ Կենտրոնական հրամանատարության հայտարարության մեջ։
Ռմբակոծությունը տեղի է ունեցել այն բանից հետո, երբ Իրանը, ի պատասխան ԱՄՆ-ի և Իսրայելի կողմից երկրի դեմ սկսված պատերազմի, փակել է ռազմավարական ջրային ուղին, որով հոսում է աշխարհի նավթի մեկ հինգերորդը։
Թարգմանությունը՝ Էմմա Չոբանյանի
