18.03.2026 | 13:38
«Բոլորին դեմ եմ»-ը պաշտոնապես պետական գրանցում է ստացել
1-ամյա երեխային երկու ամիս բռնության են ենթարկել, հետո փորձել կյանքից զրկել․ քրեական հետապնդում է հարուցվել խորթ մոր նկատմամբ
Հասարակություն
18.03.2026 | 10:25
1 տարեկան երեխայի նկատմամբ 2026 թ․ հունվարի 22-ից մինչև մարտի 10-ը պարբերաբար ֆիզիկական ներգործության արդյունքում պատճառված ուժեղ ցավի, ինչպես նաև մարտի 15-ին ուղղակի դիտավորությամբ ապօրինաբար կյանքից զրկելու դեպքերով հանրային քրեական հետապնդում է հարուցվել երեխայի հոր երկրորդ կնոջ նկատմամբ։ Այս մասին FactorTV-ի հարցմանն ի պատասխան հայտնեցին Գլխավոր դատախազությունից.
«Քրեական հետապնդում է հարուցվել Քրեական օրենսգրքի 196-րդ հոդվածի 2-րդ մասի 3-րդ կետով (Ֆիզիկական ուժեղ ցավ կամ հոգեկան ուժեղ տառապանք պատճառելը, որը կատարվել է անչափահասի նկատմամբ) և 44-155-րդ հոդվածի 2-րդ մասի 3-րդ կետով (սպանության փորձ՝ անօգնական վիճակում գտնվողի նկատմամբ)»:
Հիշեցնենք՝ մարտի 16-ին «կլինիկական մահ» ախտորոշմամբ «Արաբկիր» բժշկական կենտրոն էր տեղափոխվել 1-ամյա երեխա։ Ժամեր անց ՆԳՆ-ն հայտնել էր, որ Արարատի մարզում մեկ տարեկան երեխայի սպանության փորձի համար ձերբակալվել է մեկ անձ։
