17.03.2026 | 22:31
20-ից ավելի ուժ, 1 աթոռ, հին դեմքեր, նոր դաշինքներ․ ով ում հետ է միանում առաջիկա ընտրություններում. ՏԵՍԱՆՅՈՒԹ
ՌԴ-ի ոչ մի շրջան չի կարող իրեն անվտանգ զգալ. Շոյգուն՝ չորս տարվա պատերազմից հետո
Քաղաքականություն
17.03.2026 | 18:10
Ուկրաինական անօդաչու թռչող սարքերի զարգացման դինամիկան և դրանց օգտագործման մեթոդներն այնպիսին են, որ Ռուսաստանի ոչ մի շրջան չի կարող իրեն անվտանգ զգալ։ Այս մասին հայտարարել է ՌԴ Անվտանգության խորհրդի քարտուղար Սերգեյ Շոյգուն Եկատերինբուրգում կայացած խորհրդակցության ժամանակ, գրում է BBC-ի ռուսական ծառայությունը։
«Մինչև վերջերս Ուրալն Ուկրաինայի տարածքից օդային հարվածների հասանելիությունից դուրս էր, բայց այսօր դրանք արդեն գտնվում են անմիջական սպառնալիքի գոտում»,- ասել է նա։
Նոյեմբերի 27-ին Եկատերինբուրգում և Սվերդլովսկի մարզում առաջին անգամ հայտարարվել է հրթիռային վտանգի ռեժիմ։
«Այստեղ կենտրոնացված են ռազմավարական պաշտպանական արդյունաբերության ձեռնարկությունները, էներգետիկ և քիմիական արդյունաբերության օբյեկտները, ինչպես նաև մշակվող խոշոր նավթագազային հանքավայրերը»,- ասել է Շոյգուն։
Նրա խոսքով՝ Ուրալը նաև ունի լայնածավալ տրանսպորտային ենթակառուցվածքներ, այդ թվում՝ խոշոր երկաթուղային գծեր և դաշնային նշանակության մայրուղիներ։
«Դրանց շարքից դուրս գալը կարող է ոչ միայն զգալի տնտեսական վնաս հասցնել, այլև անկայունացնել խոշոր ագլոմերացիաների գործունեությունը և խաթարել մատակարարման շղթաները, այդ թվում նրանք, որ որոնք հատուկ ռազմական գործողությանը աջակցելու համար կարևորագույն նշանակություն ունեն»,- ասել է Ռուսաստանի Անվտանգության խորհրդի ղեկավարը (Ռուսաստանը «հատուկ ռազմական գործողություն» է անվանում Ուկրաինայի դեմ պատերազմը):
Շոյգուն նաև ասել է, որ 2025 թվականին Ռուսաստանի տարածաշրջանների ենթակառուցվածքների վրա ուկրաինական օդային հարվածների թիվը գրեթե քառապատկվել է․ նա հաշվել է 23,000 հարձակում: Կիևը Ռուսաստանում նավթավերամշակման գործարանների և այլ թիրախների վրա հարձակումները կապում է Ուկրաինայում կռվող ռուսական բանակի կարիքների բավարարման հետ:
Թարգմանությունը՝ Էմմա Չոբանյանի
