13.05.2026 | 20:37
Քրեական ոստիկանները զանգերի անօրինական տերմինացիայի միջոցով ստվերային եկամուտներ ստացող խումբ են բացահայտել
ASWA հավելվածում փոփոխություններ ենք արել․ ապահովագրողների բյուրոյի տնօրեն․ ՏԵՍԱՆՅՈՒԹ
Հասարակություն
17.03.2026 | 13:38
Ապահովագրողների բյուրոյի գործադիր տնօրեն Վաղինակ Եղիազարյանը հրավիրված ասուլիսում հայտարարեց, որ քննարկվում է նոր մեխանիզմ, որով վարորդներին հնարավորություն կտրվի պատահարը լուսանկարել բջջային հավելվածով, և մեքենան տեղափոխել անվտանգ վայր՝ հետագա ձևակերպումները կատարելով ավելի ուշ։
Եղիազարյանի տեղեկացմամբ՝ քննարկվում է նաև այս հնարավորությունը կիրառել նույնիսկ ավելի մեծ վնասների դեպքում առանց պարտադիր մեղավորության ընդունման։
Միաժամանակ, առաջարկվում են նաև տեխնիկական լուծումներ՝ տեսախցիկների որակի բարելավում, տեսահսկման համակարգերի ընդլայնում, ինչպես նաև դրոնների կիրառման հնարավորություն՝ պատահարների արագ ֆիքսման համար։
Վաղինակ Եղիազարյանն ասաց նաև, որ Երևանի քաղաքապետարանին առաջարկել են ավտոբուսների վրա տեսախցիկներ տեղադրել, ինչը թույլ կտա արագ արձանագրել վթարը և ազատել ճանապարհը։
Ապահովագրողների բյուրոյի գործադիր տնօրենի խոսքով՝ այս բոլոր առաջարկները դեռ քննարկման փուլում են, սակայն նպատակը մեկն է՝ նվազեցնել խցանումները և ապահովել ավելի արագ ու արդյունավետ գործընթաց թե՛ վարորդների, թե՛ քաղաքային երթևեկության համար։
Մանրամասները՝ տեսանյութում։
