Եվրոպական առաջնորդները զգուշացրել են Իսրայելին՝ Լիբանան ցամաքային ներխուժումը պետք է կանխվի

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Կանադայի, Ֆրանսիայի, Գերմանիայի, Իտալիայի և Մեծ Բրիտանիայի առաջնորդները հայտարարել են, որ Իսրայելը պետք է խուսափի Լիբանան ցամաքային ներխուժումից, այն բանից հետո, երբ երկու շաբաթ առաջ վերսկսեց իր պատերազմը երկրի հարավում, գրում է Middle East Eye-ը։

Համատեղ հայտարարության մեջ նշվում է, որ «խորապես մտահոգված են» բոլոր կողմերի հարձակումներով և պահանջում են  վերադառնալ բանակցությունների սեղանի շուրջ։

«Իսրայելի նշանակալի ցամաքային հարձակումը կունենա ավերիչ մարդասիրական հետևանքներ և կարող է հանգեցնել երկարատև հակամարտության։ Այն պետք է կանխվի։ Լիբանանում մարդասիրական իրավիճակը, այդ թվում՝ շարունակվող զանգվածային տեղահանությունները, արդեն իսկ խորապես մտահոգիչ են»,- զգուշացրել են առաջնորդները։

Երկուշաբթիի դրությամբ՝ Լիբանանում մեկ միլիոն մարդ տեղահանվել է հարձակումների վերջին ալիքի պատճառով, հայտնել է երկրի աղետների և ռիսկերի կառավարման վարչությունը։ Մինչ օրս զոհվել է առնվազն 886 լիբանանցի, ևս 2141-ը վիրավորվել է։

«Հըզբոլլահ»-ն Իսրայելի ուղղությամբ հրթիռներ է արձակել այն բանից կարճ ժամանակ անց, երբ Իսրայելն ԱՄՆ-ի հետ փետրվարի 28-ին պատերազմ է սկսել Իրանի դեմ։

2024 թվականի նոյեմբերին Թրամփի վարչակազմի միջնորդությամբ կնքված «Հըզբոլլահի» և Իսրայելի միջև կնքված զինադադարն Իսրայելի կողմից արդեն հարյուրավոր անգամներ խախտվել էր։ Իսրայելը պնդում է, որ թիրախավորում է միայն զենքի պահեստները և «Հըզբոլլահ»-ի պաշտոնյաներին, որոնք անմիջական սպառնալիք են ներկայացնում։

Երկուշաբթի օրվա համատեղ հայտարարության մեջ դատապարտվել են «քաղաքացիական անձանց դեմ ուղղված հարձակումները»՝ դրանք անվանելով «անընդունելի»։

«Մենք դատապարտում ենք քաղաքացիական անձանց, քաղաքացիական ենթակառուցվածքների, առողջապահության աշխատողների և ենթակառուցվածքների, ինչպես նաև Լիբանանում ՄԱԿ-ի ժամանակավոր ուժերի դեմ ուղղված հարձակումները։ Այս գործողություններն անընդունելի են, և մենք կոչ ենք անում բոլոր կողմերին գործել միջազգային մարդասիրական իրավունքի համաձայն»,- ասվում է հայտարարության մեջ։

Նշվում է, որ ««Հըզբոլլահ»-ի հարձակումներն Իսրայելի վրա և քաղաքացիական բնակչության թիրախավորումը պետք է դադարեցվեն, և նրանք պետք է զինաթափվեն»։ Նրանք  դատապարտում են ««Հըզբոլլահ»-ի որոշումը՝ միանալ Իրանին ռազմական գործողություններում, որն ավելի է վտանգում տարածաշրջանային խաղաղությունն ու անվտանգությունը»։

Առաջնորդները կոչ են անում Լիբանանի կառավարությանը զինաթափել խմբավորումը և արգելել նրա ռազմական գործունեությունը։

Այնուամենայնիվ, «Հըզբոլլահ»-ը պնդում է, որ չի կարող զինաթափվել, քանի դեռ Իսրայելը սպառնալիք է ներկայացնում իր հարավային սահմանի երկայնքով։ Այն նաև տասնամյակներ շարունակ ապացուցել է, որ շատ ավելի ամուր մարտական ​​ուժ է, քան բանակը՝ շնորհիվ Իրանի երկարատև աջակցության։

Թարգմանությունը՝ Էմմա Չոբանյանի