20.05.2026 | 21:00
Ռուսական ռեգիստրում Նարեկ Կարապետյանի անունը․ ինչ են ցույց տալիս փաստաթղթերն ու բիզնես կապերը
Ղրիմում փլուզվել է 15-րդ դարի հայկական եկեղեցին, որտեղ պսակադրվել է Հովհաննես Այվազովսկին. ՏԵՍԱՆՅՈՒԹ
Քաղաքականություն
16.03.2026 | 22:53
Բռնակցված Ղրիմի Թեոդոսիա քաղաքում փլուզվել է 1408 թվականին կառուցված և Ուկրաինայի ու Ռուսաստանի կողմից մշակութային ժառանգության ցանկում ընդգրկված Սուրբ Միքայել և Գաբրիել Հրեշտակապետաց հայկական եկեղեցու մի հատվածը։ Ղրիմի տեղեկատվական գործակալությունը հայտնել է, որ զանգակատունը փլուզվել էր հունվարին, փոխանցում է The Insider-ը։
Փետրվարին Թեոդոսիայի վարչակազմի ղեկավար Վլադիմիր Կիմը հայտնել էր, թե քննարկվում են եկեղեցու պահպանման առաջնահերթ միջոցառումները. նախատեսվում է ստուգել շենքը, որը վերջին անգամ վերականգնվել է 1968 թվականին, և պատրաստել տեխնիկական զեկույց դրա վիճակի վերաբերյալ։
Մարտի 7-ին տեղական լրատվամիջոցները հայտնել էին, որ Ռուսաստանի քննչական կոմիտեն քրեական գործ է հարուցել ՌԴ քրեական օրենսգրքի 243.1 հոդվածով՝ մշակութային ժառանգության վայրի ոչ պատշաճ պահպանման համար։ Ըստ քննության՝ պատերի ճաքերի և զանգակատան փլուզման հետ մեկտեղ, վերականգնման աշխատանքները կազմակերպելու համար որևէ միջոց չի ձեռնարկվել։
Սուրբ Միքայել և Գաբրիել Հրեշտակապետաց եկեղեցին հայտնի է, մասնավորապես, նրանով, որ աշխահահռչակ նկարիչ Հովհաննես Այվազովսկին իր առաջին կնոջ՝ Յուլիա Գրևսի հետ պսակադրվել է այստեղ 1848 թվականին։
Թարգմանությունը՝ Էմմա Չոբանյանի
