16.03.2026 | 17:03
Անտառապետը, ապօրինի ծառահատումները չարձանագրելու դիմաց, 105.000 դրամ կաշառք է պահանջել․ ՀԿԿ
ԵՄ-ն քննարկում է Հորմուզի նեղուցի բացման հեռանկարները. Կալլաս
Քաղաքականություն
16.03.2026 | 12:42
Եվրամիության դիվանագիտության ղեկավար Կայա Կալլասը հայտարարել է, որ ԵՄ-ն հետաքրքրված է Հորմուզի նեղուցի բացմամբ՝ նավթի տարանցման համար, գրում է BBC-ի ռուսական ծառայությունը։
«Մեր [ԵՄ] շահերից է բխում Հորմուզի նեղուցը բաց պահելը, ուստի մենք նաև քննարկում ենք, թե ինչ կարող ենք անել այս առումով եվրոպական կողմից»,- նրա խոսքերն է մեջբերել Reuters-ը։
Axios-ը հաղորդում է, որ ԱՄՆ-ն աշխատում է Հորմուզի նեղուցը վերահսկելու համար միջազգային կոալիցիա ստեղծելու ուղղությամբ, որի մասին կարող է հայտարարվել այս շաբաթ։
Միաժամանակ, ԱՄՆ նախագահ Դոնալդ Թրամփը հայտարարել էր, որ «շատ վատ կլինի ՆԱՏՕ-ի ապագայի համար», եթե դաշնակիցները չօգնեն բացել Հորմուզի նեղուցը, որը Իրանը փաստացի փակել է ԱՄՆ-ի և Իսրայելի հրահրած պատերազմի պատճառով, որն արդեն երրորդ շաբաթն է ընթանում։
Մասնավորապես, Թրամփը կոչ է արել Ֆրանսիային և Մեծ Բրիտանիային, ինչպես նաև Ճապոնիային, Չինաստանին և Հարավային Կորեային մասնակցել Պարսից ծոցում նավթի տարանցման շրջափակումը վերացնելու «համատեղ ջանքերին», որն արդեն հանգեցրել է նավթի գների զգալի աճի։
Թարգմանությունը՝ Էմմա Չոբանյանի
