16.03.2026 | 13:47
Խորթ մայրն է ծեծել 1-ամյա երեխային. մանրամասներ աղմկահարույց դեպքից
Դուբայի օդանավակայանում չվերթները դադարեցվել են ԱԹՍ-ի հարձակման պատճառով
Քաղաքականություն
16.03.2026 | 10:40
Դուբայի միջազգային օդանավակայանը (DXB) մարտի 16-ի առավոտյան ժամանակավորապես դադարեցրել է թռիչքները, գրում է Meduza-ն։
Էմիրության իշխանությունները հայտնել են օդանավակայանի մոտակայքում «անօդաչու սարքի միջադեպի» հետևանքով առաջացած հրդեհի մասին։ Ավելի ուշ նշվել է, որ օդանավակայանի տարածքում գտնվող վառելիքի պահեստ է հրդեհվել։
Միջադեպի հետևանքով տուժածներ չկան, սակայն Դուբայի քաղաքացիական ավիացիայի վարչությունը հայտարարել է օդանավակայանում չվերթների ժամանակավոր դադարեցման մասին՝ որպես «նախազգուշական միջոց»։ Ուղևորներին խորհուրդ է տրվել կապվել իրենց ավիաընկերությունների հետ՝ չվերթների մասին տեղեկություններ ստանալու համար։ Դուբայի ոստիկանությունը հայտնել է, որ օդանավակայան տանող ճանապարհները ժամանակավորապես փակ են երթևեկության համար։
Որոշ չվերթներ վերահասցեագրվել են դեպի Դուբայի երկրորդ՝ Ալ Մաքթումի միջազգային օդանավակայան։
Իրանի հետ ԱՄՆ-Իսրայել պատերազմի հետևանքներից մեկը Պարսից ծոցի երկրների օդանավակայաններում չվերթների լայնածավալ չեղարկումներն են, որոնք ուղևորների, այդ թվում՝ Ասիայից ժամանողների համար հիմնական հանգույցներ են։ Մասնավորապես, պատերազմի սկզբում Դուբայի երկու օդանավակայաններն էլ՝ Ալ Մաքթումը և DXB-ն՝ միջազգային երթևեկության աշխարհի ամենածանրաբեռնված հանգույցը, փակվել էին։
Թարգմանությունը՝ Էմմա Չոբանյանի
