Պենտագոնի ղեկավարը հայտարարում է, որ Իրանի գերագույն առաջնորդը «վիրավոր է, հավանաբար՝ այլանդակված»

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

ԱՄՆ պաշտպանության նախարար Փիթ Հեգսեթը խոսել է Մերձավոր Արևելքում ԱՄՆ-ի շարունակվող ռազմական  գործողության մասին։ Նա հայտարարել է, որ ԱՄՆ-ն «ոչնչացնում է Իրանի արմատական ​​ռեժիմի զինված ուժերն այնպիսի ձևով, ինչպես աշխարհը երբեք չի տեսել», և որ իրանական զինված ուժերը դարձել են «անարդյունավետ մարտերում», գրում է BBC-ն:

Նա ասել է, թե ԱՄՆ-ի և Իսրայելի միացյալ ռազմաօդային ուժերն «անպարտելի» են, և որ նրանց հետախուզությունը դառնում է «ավելի լավ և ավելի բարդ»։ Հեգսեթը նաև պնդել է, որ Իրանը չունի ռազմաօդային ուժեր, հակաօդային պաշտպանություն կամ նավատորմ, և որ նրանց հրթիռային կայանքները ոչնչացվում են։ Ըստ նրա՝ Իրանի հրթիռների քանակը նվազել է 90%-ով, իսկ նրանց միակողմանի հարձակման անօդաչու թռչող սարքերը՝ 95%-ով։

«Բայց խնդիրը միայն այն չէ, որ Իրանը չունի գործող ռազմաօդային ուժեր, կամ նրանց ամբողջ նավատորմը գտնվում է Պարսից ծոցի հատակում, կամ նրանց հրթիռային ուժերն ամեն օր կրճատվում են, ավելի կարևորը՝ նրանք նաև չունեն ավելին կառուցելու հնարավորություն»,- ասել է նա։

Ըստ նրա՝ Իրանը «լիովին հուսահատություն» է դրսևորում Հորմուզի նեղուցում։

Ինչ վերաբերում է Իրանի նոր գերագույն առաջնորդ Մոջթաբա Խամենեիին, ըստ Հեգսեթի՝ նա «վիրավորվել է» և, «հավանաբար, այլանդակված» է։ Հղում անելով Մոջթաբայի գրավոր հայտարարությանը, որը երեկ ընթերցվել է Իրանի պետական ​​հեռուստատեսությամբ, Հեգսեթը հարց է բարձրացրել՝ ինչո՞ւ Մոջթաբայի տեսագրություն կամ ձայնագրություն չկար։

«Կարծում եմ՝ դուք գիտեք, թե ինչու»,- հավելել է նա։

Ամերիկացի պաշտոնյան նաև ասել է, թե Մոջթաբան «վախեցած» է և «վիրավոր», պնդելով, որ նա «փախուստի մեջ է» և «զուրկ լեգիտիմությունից»։ Հեգսեթի համոզմամբ՝ Իրանի ղեկավարությունը թաքնվում է, և Ամերիկայի կամքն «անսասան է, մեր տարբերակները առավելագույնի են հասցված, իսկ մեր հնարավորությունները դեռ աճում են»։

Ըստ Հեգսեթի՝ ԱՄՆ-ն այսօր կրկին կձեռնարկի «Իրանի երկնքի դեմ ամենազանգվածային հարվածը»։

Հարցին՝ ե՞րբ կարող է Հորմուզի նեղուցը կրկին լիովին գործարկվել, նա ընդգծել է, որ նեղուցում երթևեկությունը խաթարող միակ գործոնն Իրանն է, այդ պատճառով ԱՄՆ-ի հիմնական նպատակներից մեկն Իրանի նավատորմի ոչնչացումն էր, և որ ԱՄՆ-ն աշխատում է «էներգիայի հոսքն» ապահովելու ուղղությամբ։

Ուշադրություն դարձնելով Իրանի միջուկային դիրքորոշմանը՝ Հեգսեթը նշել է, որ Իրանի բալիստիկ հրթիռներ արձակելու կարողության վերացումը կապահովի, որ երկիրը հրաժարվի իր միջուկային հնարավորություններից։

Ասուլիսի ընթացքում Հեգսեթին հարցրել են նաև Իրանի Մինաբ քաղաքում գտնվող աղջիկների դպրոցի վրա կատարված մահացու հարվածի մասին։ Իրանը մեղադրել է ԱՄՆ-ին և Իսրայելին դպրոցին հարվածելու համար։ Հարձակումից հետո ԱՄՆ կենտրոնական հրամանատարությունը (CENTCOM) հայտարարել է, որ ուսումնասիրում է միջադեպի մասին հաղորդագրությունները, մինչդեռ Իսրայելի զինված ուժերը հայտարարել են, որ «տեղյակ չեն» տարածքում իրականացվող որևէ գործողության մասին։ Հեգսեթն ասել է, որ CENTCOM-ը նշանակել է հետաքննող սպայի, «անհրաժեշտության դեպքում՝ ժամանակ կպահանջի» պարզելու համար, թե ինչ է տեղի ունեցել այս միջադեպի ժամանակ։

Նա, միաժամանակ, պնդել է, որ ԱՄՆ-Իսրայել գործողությունը «երբեք չի թիրախավորում քաղաքացիական անձանց» Իրանի հետ պատերազմում։

Լրագրողներից մեկը հիշատակել է նաև հաղորդումներն այն մասին, որ Իրանը կարող է թիրախավորել ԱՄՆ Քալիֆորնիա նահանգը, ինչը Սպիտակ տունը հետագայում հերքել է։ Հարցին՝ արդյո՞ք Իրանն ունի նման հարված հասցնելու կարողություն, նա պատասխանել է, որ ԱՄՆ հետախուզական գործակալությունները վերահսկում են բոլոր հնարավոր սպառնալիքները՝ ամերիկացիների անվտանգությունն ապահովելու համար, և որ այդ հաղորդագրությունները «ոչ մի կերպ չեն ազդել մեզ վրա»։

Ըստ նրա՝ Իրանը հայտարարել է, որ ժամանակի ընթացքում կարող է ձեռնարկել տարբեր գործողություններ, այդ թվում՝ «ներգրավել իր պրոքսիներին և նրանց մարտական ​​գործողություններում  ներգրավել», ինչը դեռևս չի կարողացել անել։

Թարգմանությունը՝ Էմմա Չոբանյանի