ԱՄՆ-ը ժամանակավորապես մեղմացրել է ռուսական նավթի դեմ պատժամիջոցները

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

ԱՄՆ-ը մարտի 12-ից մինչև ապրիլի 11-ը չեղարկել է նավերի վրա բեռնված ռուսական նավթի և նավթամթերքի վաճառքի համար սահմանված պատժամիջոցները։ Այս գործարքները թույլատրող լիցենզիան հրապարակվել է  ԱՄՆ ֆինանսների նախարարության կայքում, գրում է DW-ի ռուսական ծառայությունը։

Ըստ ԱՄՆ ֆինանսների նախարար Սքոթ Բեսենթի՝ նախագահ Դոնալդ Թրամփն այս որոշումը կայացրել է «համաշխարհային էներգետիկ շուկաներում կայունությունն ապահովելու և ցածր գները պահպանելու» համար՝ Իրանի դեմ ԱՄՆ-ի և Իսրայելի պատերազմի ֆոնին։

X-ում գրառման մեջ նախարարը նշել է, որ «նեղ մասնագիտացված, կարճաժամկետ այս միջոցառումը նշանակալի ֆինանսական օգուտ չի բերի Ռուսաստանի կառավարությանը, որն իր էներգետիկ եկամուտների մեծ մասը ստանում է աղբյուրից գանձվող հարկերից»։ Բեսենթը նավթի գների աճն անվանել է «կարճաժամկետ և ժամանակավոր խափանում», որը երկարաժամկետ հեռանկարում «հսկայական օգուտներ կբերի» ԱՄՆ-ին։

Fox News-ի տվյալներով՝ մարտի 12-ի դրությամբ՝ աշխարհի 30 վայրերում գտնվող լցանավերի վրա պահվում էր շուրջ 124 միլիոն բարել ռուսական ծագման նավթ։ Հաշվի առնելով Իրանի կողմից փակված Հորմուզի նեղուցում վառելիքի տարանցման օրական կորուստները՝ սա բավարար կլինի հինգից վեց օրվա մատակարարումների համար։

Ավելի վաղ՝ մարտի 6-ին, Բեսենթը հայտարարել էր, որ Վաշինգտոնը Հնդկաստանին 30 օր է տվել՝ ծովում լցանավերի վրա պահվող ռուսական նավթը գնելու համար։

Մարտի 10-ին մամուլի ասուլիսում էլ Թրամփն ակնարկել էր Ռուսաստանի դեմ պատժամիջոցների հնարավոր ժամանակավոր մեղմացման մասին։

«Մենք ժամանակավորապես կվերացնենք նավթի հետ կապված պատժամիջոցները՝ գները իջեցնելու համար։ Մենք կդադարեցնենք որոշ երկրների նկատմամբ պատժամիջոցները։ Հնարավոր է՝ ստիպված չլինենք դրանք վերականգնել ավելի ուշ, եթե ունենանք խաղաղ միջավայր»,- ասել է ԱՄՆ նախագահը։

Մարտի 11-ին G7-ի երկրները հայտարարել էին, որ համաձայնության են եկել չվերացնել ռուսական նավթի նկատմամբ պատժամիջոցները Իրանի հետ պատերազմի ֆոնին։ Հաջորդ օրը ԱՄՆ էներգետիկայի նախարար Քրիս Ռայթը հայտարարել էր, որ Ռուսաստանի դեմ պատժամիջոցները մեղմելու ծրագրեր չկան։ Սակայն պատերազմի ընթացքում գների աճը ստիպել է Միացյալ Նահանգներին իր ռազմավարական պահուստներից նավթ բաց թողնել։

Մարտի 12-ին ԱՄՆ Էներգետիկայի նախարարությունը հայտարարել էր, որ երկիրը կտրամադրի 172 միլիոն բարել նավթ։ Այս քայլը կատարվում է Միջազգային էներգետիկ գործակալության անդամ 32 երկրների, այդ թվում՝ Գերմանիայի առջև ստանձնած պարտավորությունը հաշվի առնելով։ Կազմակերպության ծրագրի համաձայն՝ բոլոր անդամ պետությունները պարտավոր են համատեղ բաց թողնել 400 միլիոն բարել պահեստավորված նավթ։

Թարգմանությունը՝ Էմմա Չոբանյանի