30.09.2026 | 12:43
Ռազմական ոստիկանության պետը շրջայց է կատարել բանակային դիրքերում և զորամասերում․ ԼՈՒՍԱՆԿԱՐՆԵՐ
Իրաքում ամերիկյան KC-135 ինքնաթիռ է կործանվել
Քաղաքականություն
13.03.2026 | 10:34
ԱՄՆ զինված ուժերը հայտնում են, որ KC-135 լիցքավորող ինքնաթիռը կործանվել է Իրաքի արևմուտքում՝ մեկ այլ ինքնաթիռի մասնակցությամբ միջադեպի արդյունքում, գրում է BBC-ի ռուսական ծառայությունը։
«Ինքնաթիռներից մեկը կործանվել է Իրաքի արևմուտքում, մյուսn անվտանգ վայրէջք է կատարել։ Սա թշնամական կամ բարեկամական կրակի պատճառով չի եղել»,- ասվում է ԱՄՆ Կենտրոնական հրամանատարության (CENTCOM) հայտարարության մեջ, որը վերահսկում է Մերձավոր Արևելքում ամերիկյան ուժերը։
KC-135-ը Մերձավոր Արևելքում պատերազմի ընթացքում կործանված չորրորդ ամերիկյան ռազմական ինքնաթիռն է։ Իրանի դեմ ԱՄՆ-Իսրայել գործողության սկզբում Քուվեյթը սխալմամբ խոցել էր երեք ամերիկյան F-15 կործանիչներ։
«Իրաքի իսլամական դիմադրությունը», որը Իրանի կողմից աջակցվող զինյալ խմբավորումների կոալիցիա է, ստանձնել է ամերիկյան KC-135 ինքնաթիռի կործանման պատասխանատվությունը։
Reuters-ի հաղորդմամբ՝ հայտարարության մեջ խումբը պնդում է, որ ինքնաթիռը խոցել է «երկրի ինքնիշխանության և օդային տարածքի պաշտպանության համար»։ Գործակալության աղբյուրը հայտնել է, որ միջադեպին մասնակցած մյուս ինքնաթիռը նույնպես KC-135 էր, և որ կործանված ինքնաթիռում մինչև վեց զինծառայող է եղել։
Թարգմանությունը՝ Էմմա Չոբանյանի
