16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Հարձակում Դեթրոյթի մոտ գտնվող սինագոգի վրա. հարձակվողը սպանվել է
Քաղաքականություն
12.03.2026 | 23:22
ԱՄՆ Միչիգան նահանգում սինագոգի վրա հարձակումից հետո տեղի է ունեցել հրաձգություն։ Այս մասին հայտնում են ամերիկյան լրատվամիջոցները։
Մայքլ Բուշարը՝ Օքլենդ շրջանի շերիֆը, CNN-ին հայտնել է, որ այս պահին հաստատված տեղեկություններ վիրավորների մասին չկան՝ բացառությամբ կրակողի։
Հետաքննությունների դաշնային բյուրոի տվյալներով՝ ավտոմեքենան մխրճվել է սինագոգի շենքի մեջ, որից հետո սկսվել է ակտիվ հրաձգություն։ Դեպքի վայրում նաև հրդեհ է բռնկվել։ Ինչպես հաղորդում է CNN–ը, ծուխ է բարձրանում սինագոգի շենքից։
Reuters գործակալությունը, հղում անելով ամերիկյան ԶԼՄ-ներին, գրում է, որ հարձակվողը սպանվել է։
Դեպքը տեղի է ունեցել Իսրայելի սինագոգաի մոտ։ Տեղից հրապարակված կադրերում երևում են սինագոգայի տանիքից բարձրացող ծխի սյուներ։
Ինչպես նշում է Reuters-ը, ԱՄՆ բոլոր նահանգներում գործող հրեական կազմակերպությունները ուժեղացված անվտանգության ռեժիմով են աշխատում փետրվարի 28-ին ԱՄՆ-ի և Իսրայելի՝ Իրանին զանգվածային ավիահարվածներ հասցնելուց հետո։
