18.07.2026 | 20:02
Հնդկաստանը տիեզերք է արձակել առաջին մասնավոր հրթիռը
Իրանի ԱԳՆ-ն հաստատում է՝ երկրի նոր գերագույն առաջնորդ Մոջթաբա Խամենեին վիրավորվել է
Քաղաքականություն
12.03.2026 | 12:12
Իրանի նոր գերագույն հոգևոր առաջնորդ Մոջթաբա Խամենեին վիրավոր է, բայց նա լավ է։ Այս մասին իտալական Corriere della Sera-ին ասել է Իրանի ԱԳՆ խոսնակ Էսմայիլ Բաղային։
«Նա վնասվածք է ստացել, բայց լավ է։ Չգիտեմ, թե երբ է իր առաջին ելույթն ունենալու։ Առաջնորդության համար երեք կամ չորս անուն կար, բայց Փորձագետների ժողովի մեծամասնությունը նրան ընտրեց՝ համաձայն Սահմանադրության։ Սա ցույց է տալիս, որ մեր համակարգը չի կառավարվում մեկ մարդու կողմից»,- նշել է Բաղային։
Իսրայելի «12-րդ ալիքը» մարտի 7-ին հաղորդել էր Մոջթաբա Խամենեիի վիրավորվելու մասին՝ հղում անելով աղբյուրներին: Հեռուստաալիքի տվյալներով՝ նա վիրավորվել է փետրվարի 28-ին՝ Իրանի վրա ԱՄՆ-ի և Իսրայելի հարձակման առաջին օրը, ավիահարվածի ժամանակ: Ավելի ուշ NYT-ը հաղորդել էր, որ Խամենեին ոտքի վնասվածքներ է ստացել պատերազմի առաջին օրը, այդ պատճառով ընտրությունից ի վեր հանրությանը չի ներկայացել կամ որևէ հայտարարություն չի արել։
Իրանը մարտի 8-ին հայտարարել է նոր գերագույն առաջնորդի ընտրության մասին: 56-ամյա Մոջթաբա Խամենեին Ալի Խամենեիի երկրորդ որդին է, որը զոհվել է փետրվարի 28-ին ավիահարվածի ժամանակ:
Թարգմանությունը՝ Էմմա Չոբանյանի
