Հավատում ենք խոսքին, որ Ռուսաստանը հետախուզական տվյալներ չի տրամադրում Իրանին. Ուիթկոֆ

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Մարտի 9-ին ԱՄՆ նախագահ Դոնալդ Թրամփի հետ հեռախոսազրույցի ժամանակ Ռուսաստանի ղեկավարությունը հերքել է պատերազմի ժամանակ Իրանի հետ հետախուզական տվյալներ կիսվելու մեղադրանքները, ասել է ԱՄՆ հատուկ ներկայացուցիչ Սթիվ Ուիթկոֆը, գրում է DW-ի ռուսական ծառայությունը։

«Դե` կարելի է նրանց խոսքին հավատալ։ Հուսանք, որ նրանք դա չեն փոխանցում»,- ասել է Ուիթկոֆը CNBC-ին տված հարցազրույցում։

Նա նաև հայտնել է, որ ինքն ու Թրամփի փեսան՝ Ջարեդ Քուշները, մարտի 9-ի առավոտյան առանձին հեռախոսազրույց են ունեցել Պուտինի արտաքին քաղաքականության հարցերով խորհրդական Յուրի Ուշակովի հետ․ վերջինը նույնն է կրկնել՝ Ռուսաստանը չի կիսվում հետախուզական տվյալներով Իրանի հետ։

Միևնույն ժամանակ, MS Now-ն, հղում անելով երկու ամերիկացի պաշտոնյաների, մարտի 7-ին հաղորդել էր, որ Ռուսաստանն Իրանի հետ կիսվում է տեղեկատվությամբ, որը կարող է օգնել նրան հարվածել Մերձավոր Արևելքում գտնվող ամերիկյան նավերին, ինքնաթիռներին և ռազմական բազաներին։

«Ռուսաստանը հետախուզական օգնություն է ցուցաբերում Իրանին»,- հայտարարել էր պաշտոնյան։

Մեկ այլ պաշտոնյա էլ նշել է. «Ես չեմ տեսել որևէ բան, որը կցույց տա, որ Ռուսաստանը ռազմավարական կամ մարտավարական մարտական ​​դեր է խաղում»։

Մարտի 9-ին Ֆլորիդայում տեղի ունեցած մամուլի ասուլիսում ԱՄՆ նախագահը հայտարարել էր, որ Պուտինի հետ իր զրույցի ժամանակ Ռուսաստանի առաջնորդը «շատ տպավորված էր այն ամենով, ինչ տեսել է» Իրանի դեմ պատերազմում ԱՄՆ հաջողությունների վերաբերյալ։ Ավելի ուշ նա ասել էր, որ «շատ լավ» հեռախոսազրույց է ունեցել Պուտինի հետ, որը ցանկություն է հայտնել օգնել Իրանի հետ հակամարտության կարգավորմանը։

«Ես ասացի՝ «Դուք կարող եք ավելի շատ օգուտ տալ, եթե դադարեցնեք Ուկրաինայի և Ռուսաստանի միջև պատերազմը։ Դա շատ ավելի օգտակար կլիներ»»,- եզրափակել է Թրամփը։

Թարգմանությունը՝ Էմմա Չոբանյանի