20.05.2026 | 18:03
«Կրասնոդարի» ֆուտբոլիստները ստացել են ՌՊԼ-ի արծաթե մեդալները․ ՏԵՍԱՆՅՈՒԹ
ՄԱԿ-ն առաջին անգամ ՌԴ-ի կողմից ուկրաինացի երեխաների արտաքսումը մարդկության դեմ հանցագործություն է որակել
Քաղաքականություն
10.03.2026 | 22:58
ՄԱԿ-ն առաջին անգամ Ռուսաստանի կողմից ուկրաինացի երեխաների արտաքսումն անվանել է մարդկության դեմ հանցագործություն։ Այս մասին ասվում է Ուկրաինայում խախտումների հետաքննության վերաբերյալ ՄԱԿ-ի անկախ միջազգային հանձնաժողովի զեկույցում, գրում է BBC-ի ռուսական ծառայությունը։
Հանձնաժողովը նաև վերահաստատել է իր նախկին եզրակացությունները, որ երեխաների անօրինական արտաքսումը և տեղափոխումը Ռուսաստան կամ օկուպացված տարածքներ, ինչպես նաև նրանց հայրենիք վերադարձնելու հետաձգումը, համարվում են ռազմական հանցագործություններ։
Ընդհանուր առմամբ, հանձնաժողովը անկախ հաստատել է երեխաների անօրինական տեղահանման 1205 դեպք։ Այս դեպքերի 80%-ում երեխաները դեռ չեն վերադարձել։ Շուրջ հազար դեպք վերաբերում է Դոնեցկի և Լուգանսկի մարզերի Ռուսաստանի կողմից օկուպացված հատվածներում գտնվող մանկատներից դուրս բերված երեխաներին։
«Հաստատություններից դուրս եկած երեխաները, հատկապես՝ փոքր երեխաները կամ հաշմանդամություն ունեցողները, գործնականում վերադարձի ոչ մի հնարավորություն չունեն»,- նշվում է զեկույցում։
Ռուսաստանի իշխանությունները որբերի հեռացումը հետևողական անվանել են «տարհանում» կրակի տակ գտնվող տարածքներից։
2023 թվականին Միջազգային քրեական դատարանը ձերբակալման օրդեր է տվել Ռուսաստանի նախագահ Վլադիմիր Պուտինի և Ռուսաստանի երեխաների իրավունքների հանձնակատար Մարիա Լվովա-Բելովայի՝ ուկրաինացի երեխաներին անօրինական կերպով արտաքսելու կասկածանքով։
Թարգմանությունը՝ Էմմա Չոբանյանի
