21.05.2026 | 11:41
Տեղական գործակալներն ու նրանց օտարերկրյա տերերը փորձում են մեզ հակադրել Հայաստանին. Կոբախիձե
Ռուսական զորքերը երեք ավիառումբ են նետել Սլավյանսկի վրա. 4 զոհ և 16 վիրավոր կա
Քաղաքականություն
10.03.2026 | 16:21
Ռուսաստանի զինված ուժերը Ուկրաինայի Դոնեցկի մարզի Սլավյանսկ քաղաքի վրա երեք ավիառումբ են նետել, որի հետևանքով զոհվել է չորս մարդ, հայտնել է շրջանի ռազմական վարչակազմի ղեկավար Վադիմ Ֆիլաշկինը, գրում է Current time-ը։
Նա հավելել է, որ ևս 16 մարդ վիրավորվել է, այդ թվում՝ 14-ամյա աղջիկ։
«Եվս մեկ ցինիկ հարձակում խաղաղ բնակիչների վրա։ Այս անգամ ռուսները երեք ավիառումբ նետեցին Սլավյանսկի կենտրոնի վրա։ Այս պահին հայտնի է, որ վնասվել է վեց բարձրահարկ շենք և 10 մեքենա։ Բոլոր համապատասխան ծառայություններն աշխատում են դեպքի վայրում»,- գրել է նա։
Ուկրաինայի իշխանությունները և միջազգային կազմակերպությունները քաղաքացիական ենթակառուցվածքների ու քաղաքացիական բնակչության վրա հարվածները որակում են որպես Ռուսաստանի կողմից կատարված ռազմական հանցագործություններ, մինչդեռ Ռուսաստանի իշխանությունները հերքում են դա՝ պնդելով, որ հարձակումներն ուղղված են ռազմական թիրախների դեմ։
Թարգմանությունը՝ Էմմա Չոբանյանի
