10.03.2026 | 16:44
Հորդանանում Գերմանիայի ռազմաբազան իրանական հրթիռների հարձակման է ենթարկվել
Ապրիլի 1-ից կբարձրանա ԱՊՊԱ-ի հատուցումների առավելագույն սահմանաչափը
Հասարակություն
10.03.2026 | 13:08
Հայաստանի Ավտոապահովագրողների բյուրոյից տեղեկացնում են, որ ԱՊՊԱ ոլորտում սպասվում են էական փոփոխություններ. ապրիլի 1-ից կբարձրանա հատուցումների առավելագույն սահմանաչափը։
«Սույն թվականի ապրիլի 1-ին ուժի մեջ կմտնի Հայաստանի Ավտոապահովագրողների Բյուրոյի խորհրդի կողմից 11/12/2025թ-ի թիվ 38-Լ որոշմամբ հաստատված և Հայաստանի Հանրապետության կենտրոնական բանկի կողմից 30/01/2026թ-ին գրանցված՝ «ԱՊՊԱ ընդհանուր պայմաններ» RL 1-001 կանոնների (այսուհետ՝ Կանոններ) փոփոխությունները։
Կանոններում կատարված փոփոխություններով բարձրացվել են ապահովագրական գումարները՝ հատուցման առավելագույն սահմանաչափերը՝
- գույքին պատճառված վնասների համար գործող 1 800 000 ՀՀ դրամի փոխարեն սահմանվել է 2 500 000 ՀՀ դրամ,
- անձնական վնասների համար գործող 3 300 000 ՀՀ դրամի փոխարեն սահմանվել է 3 500 000 ՀՀ դրամ։
Միևնույն ժամանակ, գործող կարգավորումներով սահմանված տրամաբանությունը պահպանելու համար մեկ ապահովագրական պատահարի հետևանքով բոլոր տուժողներին պատճառված վնասների հանրագումարի գծով ապահովագրական գումարները բարձրացվել են համամասնորեն՝ համապատասխանաբար սահմանելով 25 000 000 և 35 000 000 ՀՀ դրամ։
Կատարված փոփոխությունները պայմանավորված էին այն հանգամանքով, որ գործող ապահովագրական գումարները համահունչ չեն առկա իրողություններին և չեն ծածկում ԱՊՊԱ ոլորտում առաջացող վնասների զգալի մասը, մինչդեռ փոփոխությունները հնարավորություն կընձեռեն առավել ամբողջական պաշտպանել տուժողների շահերը։
Կանոնների ամբողջական տարբերակին կարող եք ծանոթանալ հետևյալ հղմամբ»,- ասված է հաղորդագրությունում։
