25.04.2026 | 09:21
Դավիթ Չալոյանն ապրիլի 24-ին հաղթել է թուրք բռնցքամարտիկի ու դուրս եկել կիսաեզրափակիչ․ ՏԵՍԱՆՅՈՒԹ
Իրանի ԱԳՆ-ն հայտարարում է, որ երկրի զինված ուժերը չեն հարձակվել Ադրբեջանի, Թուրքիայի և Կիպրոսի վրա
Քաղաքականություն
09.03.2026 | 16:31
Իրանի ԱԳՆ խոսնակ Էսմայիլ Բաղային մամուլի ասուլիսում հայտարարել է, որ երկրի զինված ուժերը չեն հարձակվել Ադրբեջանի, Թուրքիայի և Կիպրոսի վրա։
«Մեր երկրի պաշտպանությունը չպետք է որևէ կերպ դիտարկվի որպես թշնամանք տարածաշրջանի որևէ երկրի նկատմամբ։ Ադրբեջանի, Թուրքիայի և Կիպրոսի վերաբերյալ, Զինված ուժերի գլխավոր շտաբը հստակ և պաշտոնապես հայտարարեց, որ նման արկեր չեն արձակվել Իրանի ներսից կամ մեր զինված ուժերի կողմից»,- ասել է Բաղային։
Նա, միաժամանակ, հիշեցրել է՝ Իրանի նախագահը զրուցել է իր ադրբեջանցի պաշտոնակցի հետ։
«Երեկ երեկոյան մեր երկրի նախագահի և Ադրբեջանի նախագահի միջև տեղի ունեցավ լավ զրույց։ Բացատրվեց և ընդգծվեց, որ նման գործողությունն Իրանից չէ, և մենք հույս ունենք, որ Իրանի բարի կամքը և հարևանների նկատմամբ դրական մոտեցումը հաշվի կառնվի ցանկացած հայտարարության մեջ։ Միևնույն ժամանակ, մենք ընդգծում ենք, որ որտեղ էլ լինի իրանական ազգի դեմ ռազմական ագրեսիայի ծագումն ու աղբյուրը, մեր պատասխանն օրինական է»,- նշել է Բաղային։
Հիշեցնենք, որ Իրանի նախագահ Մասուդ Փեզեշքիանը կիրակի զանգահարել էր Ադրբեջանի նախագահ Իլհամ Ալիևին և վստահեցրել, որ Թեհրանը կապ չունի Նախիջևանին ԱԹՍ-ների հարվածների հետ։
Թարգմանությունը՝ Էմմա Չոբանյանի
