09.03.2026 | 16:31
Իրանի ԱԳՆ-ն հայտարարում է, որ երկրի զինված ուժերը չեն հարձակվել Ադրբեջանի, Թուրքիայի և Կիպրոսի վրա
Բելգիայի Լիեժ քաղաքում սինագոգի մոտ պայթյուն է տեղի ունեցել
Քաղաքականություն
09.03.2026 | 13:15
Բելգիայի Լիեժ քաղաքում մարտի լույս 9-ի գիշերը սինագոգի մոտ պայթյուն է տեղի ունեցել, հաղորդում է VRT-ն՝ հղում անելով ոստիկանությանը, գրում է Meduza-ն։
Պայթյունը տեղի է ունեցել առավոտյան ժամը 4:00-ի սահմաններում։ Զոհեր չկան, սակայն գույքային վնասը «նշանակալի» է եղել, հաղորդում է VRT-ն։ Շենքի ճակատային մասի ապակիները կոտրվել են, վնասվել են նաև փողոցի մյուս կողմում գտնվող շենքերի ապակիները։
Լիեժի քաղաքապետ Վիլի Դեմեյերը միջադեպն անվանել է «հակասեմականության ծայրահեղ բռնի ակտ», որը «հակասում է Լիեժի՝ մյուսների նկատմամբ հարգանքի ավանդույթին»։
«Անընդունելի է, որ դրսից հակամարտությունները ներթափանցեն մեր քաղաք»,- հայտարարել է Դեմեյերը։
Թարգմանությունը՝ Էմմա Չոբանյանի
