18.08.2026 | 12:42
Ըստ ՆԳ փոխնախարարի՝ վերջին 2,5 տարում ՃՏՊ-ների հետևանքով զոհերի թիվը նվազել է․ ՏԵՍԱՆՅՈՒԹ
Թուրքիան F-16 կործանիչներ և ՀՕՊ համակարգեր է տեղակայել Հյուսիսային Կիպրոսում
Քաղաքականություն
09.03.2026 | 16:20
Թուրքիան հայտնել է ինքնահռչակ Հյուսիսային Կիպրոսի թուրքական հանրապետությունում վեց F-16 կործանիչներ և ՀՕՊ համակարգեր տեղակայելու մասին։
«Մեր տարածաշրջանում վերջին զարգացումների լույսի ներքո Հյուսիսային Կիպրոսի թուրքական հանրապետության անվտանգության ամրապնդման փուլային մոտեցման շրջանակում այսօրվանից Հյուսիսային Կիպրոսում տեղակայվել են վեց F-16 կործանիչներ և ՀՕՊ համակարգեր։ Կշարունակվեն լրացուցիչ միջոցառումներ ձեռնարկվել՝ հետագա զարգացումների հիման վրա, եթե անհրաժեշտ համարվի»,- հայտարարել է Թուրքիայի ազգային պաշտպանության նախարարությունը X-ում։
Այս որոշումը կայացվել է այն բանից հետո, երբ իրանական հրթիռներն ու անօդաչու սարքերը թիրախավորել են Կիպրոսը, մասնավորապես, Թագավորական ռազմաօդային ուժերի (RAF) Ակրոտիրիի բազան։
Միացյալ Նահանգներն ու Իսրայելը փետրվարի 28-ին հարվածներ են հասցրել Իրանին, որի հետևանքով զոհվել է Գերագույն առաջնորդ Ալի Խամենեին և ավելի քան 1300 քաղաքացիական անձ։
Իրանը հակադարձում է տարածաշրջանում հարվածներով՝ թիրախավորելով ԱՄՆ բազաները, դիվանագիտական հաստատությունները և զինանձնակազմին։
Թարգմանությունը՝ Էմմա Չոբանյանի
