17.08.2026 | 23:08
Զորականում և Ամասիայում շչակներ են փորձարկվելու
Ադրբեջանը տարհանում է Թեհրանում իր դեսպանատան ու Թավրիզում հյուպատոսության դիվանագիտական անձնակազմին
Քաղաքականություն
06.03.2026 | 14:36
Թեհրանում գտնվող Ադրբեջանի դեսպանատանը և Թավրիզում գտնվող գլխավոր հյուպատոսությանը տարհանման հրահանգներ են տրվել։ Ըստ ադրբեջանական լրատվամիջոցների՝ այս մասին հայտարարել է Ադրբեջանի արտաքին գործերի նախարար Ջեյհուն Բայրամովը Բաքվում Մոլդովայի փոխվարչապետ և արտաքին գործերի նախարար Միխեյ Պոպշոյի հետ համատեղ մամուլի ասուլիսում։
Նա նշել է, որ հաշվի առնելով տեղի ունեցող զարգացումները՝ մարդկանց կյանքը չպետք է վտանգի ենթարկվի։
«Ներկայում նախապատրաստական աշխատանքներ են տարվում դեսպանատունը և գլխավոր հյուպատոսությունը տարհանելու համար»,- ասել է նա։
Բայրամովը նաև ասել է, որ երեկ Իրանի տարածքից Նախիջևանի վրա անօդաչու թռչող սարքերով հարձակումներ են իրականացվել, որի հետևանքով չորս մարդ է տուժել։
«Ադրբեջանի կառավարության դիրքորոշումը երեկ է հաղորդվել։ Իրանի դեսպանը կանչվել է Արտաքին գործերի նախարարություն, և մեր սպասումները փոխանցվել են։ Բոլորը կարող էին լսել նախագահ Իլհամ Ալիևի՝ երեկ Անվտանգության խորհրդի նիստում հնչեցրած ուղերձները։ Իրանական կողմը խոստացել է հետաքննել այս հարցը, և մենք առաջիկայում սպասում ենք այս հետաքննության արդյունքներին»,- հայտարարել է Բայրամովը։
Թարգմանությունը՝ Էմմա Չոբանյանի
