06.10.2026 | 18:19
Բայրամովն ԱՄՆ հատուկ ներկայացուցչի ավագ խորհրդականի հետ քննարկել է TRIPP-ը
Խամենեիի ցանկացած իրավահաջորդ «ոչնչացման թիրախ է»․ Իսրայելի պաշտպանության նախարար
Քաղաքականություն
04.03.2026 | 12:09
Իսրայելի պաշտպանության նախարար Իսրայել Կացը սպառնացել է ոչնչացնել Իրանի ցանկացած առաջնորդի, որը կընտրվի որպես գերագույն առաջնորդ այաթոլլահ Ալի Խամենեիի իրավահաջորդ, որը սպանվել է Թեհրանի վրա ԱՄՆ-ի և Իսրայելի հարվածների ժամանակ, գրում է France 24-ը։
«Իրանական ահաբեկչական ռեժիմի կողմից ընտրված ցանկացած առաջնորդ՝ Իսրայելի ոչնչացման ծրագիրը շարունակելու, Միացյալ Նահանգներին, ազատ աշխարհին և տարածաշրջանի երկրներին սպառնալու և Իրանի ժողովրդին ճնշելու համար, կդառնա ոչնչացման անխուսափելի թիրախ՝ անկախ նրա անունից կամ թաքնվելու վայրից»,- X-ում գրել է Կացը։
Նշենք, որ ըստ տարբեր աղբյուրների՝ Իրանի նոր գերագույն հոգևոր առաջնորդ է ընտրվել այաթոլլահ Ալի Խամենեիի որդին՝ Մոջթաբա Խամենեին։
Այլ աղբյուրներ էլ, չհաստատելով գերագույն առաջնորդի ընտրության փաստը, այնուամենայնիվ, նշում են, որ այաթոլլահ Ալի Խամենեիի ամենահավանական իրավահաջորդը նրա որդին է։
Թարգմանությունը՝ Էմմա Չոբանյանի
