25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Թրամփը հայտարարել է, որ ինքն է դրդել Իսրայելին հարվածել Իրանին
Քաղաքականություն
03.03.2026 | 23:24
Դոնալդ Թրամփը Գերմանիայի կանցլեր Ֆրրիխ Մերցի հետ հանդիպումից հետո Սպիտակ տանը լրագրողների հետ զրույցի ժամանակ հայտարարել է ԱՄՆ-ի և Իսրայելի գործողության արդյունքում Իրանին հասցված զգալի վնասի մասին և ասել, որ ինքն է դրդել Իսրայելին հարվածել Իրանին:
«Ես եմ, հավանաբար, դրդել Իսրայելին», – հայտարարել է ամերիկացի առաջնորդը՝ պատասխանելով լրագրողների հարցերին:
«Մենք բանակցում էինք այդ խելագարների հետ, և ես մտածում էի, որ նրանք առաջինը կհարձակվեն մեզ վրա։ Ես չէի ուզում, որ դա տեղի ունենա: Այնպես որ, եթե ինչ-որ մեկը ինչ‑որ մեկին ինչ‑որ բանի էր մղում, դա ես էի»:
Թրամփին նաև հարցրել են, թե որն է ամենավատ սցենարը, որը նախատեսված է ամերիկյան վարչակազմի ծրագրերում:
«Ես կարծում եմ, որ ամենավատ տարբերակը կլինի, եթե մենք դա անենք, և հետո իշխանության գա մեկը, ով նույնքան վատն է, որքան նախորդը»,- ասել է նա՝ նկատի ունենալով այաթոլլա Ալի Խամենեիին, ով սպանվել է հակամարտության առաջին օրը ավիահարվածի հետևանքով։
Մարդկանց մեծ մասը, ովքեր կարող էին զբաղեցնել Իրանի սպանված գերագույն առաջնորդի տեղը, արդեն մահացած են, ասել է Թրամփը:
