03.03.2026 | 23:33
«Դա ձեզ համար Ուինսթոն Չերչիլը չէ». Թրամփը հայտարարել է, որ հատկապես դժգոհ է Մեծ Բրիտանիայի արձագանքից
Մերձավոր Արևելքում իրադարձությունների ֆոնին՝ Ադրբեջանի հետ էներգետիկ գործընկերության ամրապնդումն ավելի կարևոր է դառնում. եվրահանձնակատար
Քաղաքականություն
03.03.2026 | 21:13
Մերձավոր Արևելքում ծավալվող իրադարձությունների ֆոնին՝ ԵՄ-ի և Ադրբեջանի միջև էներգետիկ գործընկերության ամրապնդումն ավելի կարևոր է դառնում։ Այս մասին սոցցանցերում գրել է ԵՄ էներգետիկայի և բնակարանաշինության հարցերով հանձնակատար Դան Յորգենսենը, հաղորդում են ադրբեջանական լրատվամիջոցները։
«Ես Բաքվում եմ՝ ԵՄ-ի և Ադրբեջանի միջև էներգետիկ գործընկերությունն ամրապնդելու համար։ Դիվերսիֆիկացիան, էներգետիկ անվտանգությունը և մաքուր անցումը հիմնական առաջնահերթություններն են։ Սա ավելի կարևոր է դառնում Մերձավոր Արևելքում շարունակվող լարվածության համատեքստում»,- նշել է Յորգենսենը։
Նշենք, որ այսօր Բաքվի Կոնգրեսի կենտրոնում անցկացվում է Հարավային գազային միջանցքի խորհրդատվական խորհրդի 12-րդ նախարարական հանդիպումը և Կանաչ էներգիայի խորհրդատվական խորհրդի 4-րդ նախարարական հանդիպումը։
Միջոցառմանը ելույթ է ունեցել նաև եվրահանձնակատար Դան Յորգենսենը։
Թարգմանությունը՝ Էմմա Չոբանյանի
