Իրանը հարվածել է Սաուդյան Արաբիայում ԱՄՆ դեսպանատանն ու Բահրեյնում ամերիկյան բազային

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

Սաուդյան Արաբիայի մայրաքաղաք Ռիադում ԱՄՆ դեսպանատանը հարված է հասցվել երկու անօդաչու թռչող սարքերով, դիվանագիտական ​ներկայացուցչության շենքում ​«սահմանափակ կրակ» է բռնկվել։ Իրանը կրկին հարվածել է նաև Բահրեյնում գտնվող ամերիկյան բազային՝ մեծացնելով տարածաշրջանային ճնշումը Պարսից ծոցի արաբական երկրների վրա, որտեղ տեղակայված են ամերիկյան ակտիվներ՝ ի պատասխան ԱՄՆ-Իսրայել հարձակումների, գրում է Al Jazeera-ն։

ԱՄՆ դեսպանատան վրա երեքշաբթի առավոտյան հասցված հարվածը նաև «աննշան նյութական վնաս» է հասցրել համալիրին, ասվում է Պաշտպանության նախարարության հայտարարության մեջ: Ավելի ուշ տարածված հաղորդագրությունների համաձայն՝ ավելի շատ անօդաչուներ են թիրախավորել տարածքը՝ Իրանի կողմից Պարսից ծոցում ԱՄՆ-Իսրայել հարձակումներին պատասխան գործողությունների ֆոնին:

ԱՄՆ նախագահ Դոնալդ Թրամփը NewsNation-ին հայտնել է, որ ԱՄՆ-ի արձագանքը դեսպանատան վրա հարձակմանը և մի քանի ամերիկացի զինծառայողների սպանությանը շուտով պարզ կդառնա։

Reuters-ը հաղորդել է, որ հարձակումից հետո սև ծուխ է բարձրացել Ռիադի դիվանագիտական ​​թաղամասի վրա, որտեղ տեղակայված են արտասահմանյան առաքելությունները։ Երեք աղբյուր Reuters-ին հայտնել են, որ դեսպանատանը լսվել է ուժեղ պայթյուն, բոցեր են նկատվել, չնայած Սաուդյան Արաբիայի պաշտպանության նախարարությունը և աղբյուրներից մեկը լրատվական գործակալությանը հայտնել են, որ անօդաչուի հարձակումից հետո բռնկված հրդեհը փոքր մասշտաբի է եղել։ Երկու անձինք էլ հայտնել են, որ հարձակման պահին դեսպանատան շենքը դատարկ է եղել, զոհերի մասին տեղեկություններ չկան։

Սաուդյան բանակին մոտ կանգնած աղբյուրը, խոսելով անանունության պայմանով, AFP-ին հայտնել է, որ հակաօդային պաշտպանությունը հարձակման ժամանակ որսացել է չորս անօդաչու թռչող սարք, որոնք թիրախավորել էին Ռիադի դիվանագիտական ​​թաղամասը։

Ավելի վաղ ԱՄՆ դեսպանատունը Սաուդյան Արաբիայի Ռիադ, Ջիդդա և Դահրան քաղաքներում գտնվող ԱՄՆ քաղաքացիներին «տեղում ապաստանի» մասին ծանուցում էր տարածել՝ կապված հարձակումների հետ։

«Մենք խորհուրդ ենք տալիս Թագավորությունում գտնվող ամերիկացի քաղաքացիներին անմիջապես ապաստան գտնել և խուսափել դեսպանատնից՝ մինչև հետագա ծանուցում՝ օբյեկտի վրա հարձակման պատճառով։ Սաուդյան Արաբիայում ԱՄՆ առաքելությունը շարունակում է հետևել տարածաշրջանային իրավիճակին»,- ասել է դեսպանատունը։

Միաժամանակ, երեքշաբթի Իրանի Իսլամական հեղափոխության պահապանների կորպուսը (ԻՀՊԿ) թիրախավորել է Բահրեյնում գտնվող ԱՄՆ ավիաբազան։ Այս մասին ասվում է Իրանի էլիտար ուժերի հայտարարության մեջ, որը տարածել է պաշտոնական IRNA լրատվական գործակալությունը։

«ԻՀՊԿ-ն հայտարարել է, որ իր ռազմածովային ուժերը լուսաբացին լայնածավալ անօդաչու թռչող սարքերով և հրթիռներով հարձակում են իրականացրել Բահրեյնի Շեյխ Իսա շրջանում գտնվող ԱՄՆ ավիաբազայի վրա», – գրել է IRNA-ն Telegram-ում։

Նշվում է, որ արձակվել են 20 անօդաչու թռչող սարքեր և երեք հրթիռներ, որոնք «ոչնչացրել են բազայի գլխավոր հրամանատարական շտաբը», առանց ապացույցներ ներկայացնելու։

Թարգմանությունը՝ Էմմա Չոբանյանի