02.03.2026 | 22:43
Կատարը Իրանից թռչող 2 Սու-24 է խոցել
«Խնդրել եմ ազատման դիմում գրեն»․ ինչու են ազատվել Էրեբունու թաղապետարանի կոմունալ բաժնի աշխատակիցները
Քաղաքականություն
02.03.2026 | 19:52
Էրեբունի վարչական շրջանի ղեկավար Հակոբ Բալայանը Factor TV-ի հետ զրույցում ասաց, որ թաղապետարանի՝ աշխատանքից ազատված աշխատակիցները կոմունալ բաժնից են։ Բալայանից հետաքրքրվեցինք՝ ինչո՞ւ են նրանք ազատվել աշխատանքից։
«Կաշառքի դեպք չկա։ Նրանք իրենց լիազորությունները պատշաճ չեն կատարել՝ ուշ են արձագանքել ինքնակամ շինությունների դեպքերին, ինչի համար խնդրել եմ ազատման դիմում գրեն»,- ասաց Բալայանը։
Հարցին, թե ինչ է նշանակում ուշ են արձագանքել, Բալայանը պարզաբանեց։
«Պետք է շուտ հայտնաբերեին, սակայն մի քանի օր ուշ են հայտնաբերել»,- ասաց նա՝ հավելելով, որ ինքնակամ շինություններն արդեն քանդվել են։
Հիշեցնենք, որ Հակոբ Բալայանն այսօր քաղաքապետարանի գործակարգավարական նիստի ընթացքում էր հայտնել, որ թաղապետարանի երկու աշխատակից ազատվել է աշխատանքից։
Արփի Հակոբյան
