02.03.2026 | 17:36
Իսրայելը հայտնել է Բեյրութին ավիահարվածի հետևանքով «Հըզբոլլահ»-ի հետախուզության ղեկավարի սպանվելու մասին
Facebook-ն արգելափակել է Նարեկ Կարապետյանի ֆեյսբուքյան էջը․ «Մեր ձևով»-ը կատարվածում իշխանական հետք է տեսնում
Քաղաքականություն
02.03.2026 | 14:42
«Նիկոլ Փաշինյանի թույլ կառավարությունը վախենում է նույնիսկ Նարեկ Կարապետյանի ֆեյսբուքյան էջից, այնպես, ինչպես վախենում է Հայաստանի հաջորդ վարչապետ Սամվել Կարապետյանից»,- այս մասին Factor TV-ի հետ զրույցում հայտարարեց «Ուժեղ Հայաստան» կուսակցության մամուլի խոսնակ Մարիաննա Ղահրամանյանը` խոսելով Նարեկ Կարապետյանի ֆեյսբուքյան էջի արգելափակման մասին։
«Սա խոսում է նրանց մոտալուտ ձախողման մասին։ Մենք պայքարելու ենք յուրաքանչյուր կազմակերպված հարձակման դեմ ու մեր ձայնը բարձրացնելու ենք բոլոր հարթակներում»,- ասաց նա։
Ղահրամանյանը վստահեցրեց՝ խնդիրը շուտով լուծվելու է, իսկ էջը արգելափակվել է երեկ ուշ երեկոյան։
Տեղեկություն էր տարածվում նաև, որ Նարեկ Կարապետյանի էջն արգելափակվել է հետևորդների շրջանում մեծ քանակի կեղծ օգտահաշիվների առկայության պատճառով։
«Ֆեյքերի ՊՈԱԿ աշխատեցնող իշխանությունը կարող է ցանկացած մեկնաբանություն տալ։ Ես նշեցի այն, ինչ նշեցի»,- ասաց Ղահրամանյանը։
Եվգենյա Համբարձումյան
