Քաղաքականություն
01.03.2026 | 22:21
Ռուսաստանի տուրօպերատորների ասոցիացիան հայտնել է (փոխանցում է «ՏԱՍՍ»-ը), որ Դուբայի և Շարժայի հյուրանոցները դուրս են հանում այն զբոսաշրջիկներին, որոնց կացության ժամկետը լրացել է, սակայն նրանք չեն կարողանում լքել երկիրը. շարունակվող հարձակումների պատճառով օդանավակայանները չեն գործում, փոխանցում է BBC-ի ռուսական ծառայությունը։
Նրանց հետագա տեղավորմամբ զբաղվում են տուրօպերատորները։ Միևնույն ժամանակ, Աբու Դաբիի և Ռաս ալ-Խայմայի իշխանություններն իրենց վրա են վերցրել զբոսաշրջիկների կացության երկարաձգման ծախսերը։
Ընդհանուր առմամբ, Էմիրություններում կարող է գտնվել Ռուսաստանի մինչև 50 հազար քաղաքացի։
Այս ֆոնին ԱՄՆ իշխանությունները կոչ են արել քաղաքացիներին չմեկնել Կատար, որտեղ գտնվում է ամերիկյան խոշոր ռազմաօդային բազա։ Նրանք նաև թույլատրել են պետական մարմինների այն աշխատակիցներին, որոնք զբաղված չեն անհետաձգելի աշխատանքով, լքել երկրի մայրաքաղաք Դոհան։ Ավելի վաղ նմանատիպ թույլտվություն էր տրվել ամերիկացի պետծառայողներին և նրանց ընտանիքներին հարևան Բահրեյնում։
Միացյալ Թագավորության կառավարությունը դիտարկում է իր քաղաքացիների տարհանումը հակամարտությունից տուժած երկրներից։ Խոսքը շուրջ 76 հազար մարդու մասին է, որոնք կա՛մ զբոսաշրջիկներ են եղել ԱՄԷ-ում, կա՛մ տարանցիկ չվերթով անցել են տեղի միջազգային օդանավակայաններով։
