18.08.2026 | 12:57
«Յաբլոկո»-ն պարտվեց․ ՌԴ ԿԸՀ-ն կուսակցությանը հանել է Դումայի ընտրությունների քվեաթերթիկից
Պակիստանը հայտարարում է՝ իր օդային հարվածների հետևանքով զոհվել է 274 թալիբ, ըստ Թալիբանի 13 զոհ կա
Քաղաքականություն
27.02.2026 | 20:44
Պակիստանի պաշտոնյաները և թալիբները հակասական տեղեկություններ են հրապարակել իրենց ուժերի միջև բախումների վերաբերյալ, գրում է France 24-ը։
Պակիստանի ռազմական խոսնակը ուրբաթ օրը հայտարարել է, որ օդուժը հարվածել է 22 աֆղանական ռազմական թիրախների՝ երկու երկրների միջև գիշերը սկսված ծանր մարտերից հետո։
Առնվազն 12 պակիստանցի զինծառայող է զոհվել, իսկ հինգշաբթի գիշերվանից ի վեր սպանվել է 274 թալիբ պաշտոնյա և զինյալներ, լրագրողներին հայտնել է ռազմական խոսնակ Ահմեդ Շարիֆ Չաուդրին։
Թալիբան կառավարության ներկայացուցիչները հաստատել են ուրբաթ օրվա օդային հարվածները։ Խոսնակ Զաբիհուլլահ Մուջահիդը հայտարարել է, որ աֆղանական ուժերը սպանել են պակիստանցի 55 զինծառայողի՝ նշելով, որ աֆղանական զորքերի շրջանում զոհերի թիվը կազմել է 13։
Սաուդյան Արաբիան և Կատարը ջանքեր են գործադրում Պակիստանի և Աֆղանստանի միջև մահացու մարտերը դադարեցնելու համար, ուրբաթ օրը AFP-ին հայտնել է բանակցությունների ընթացքին ծանոթ աղբյուրը։
«Ռիադը և Դոհան ամենաբարձր մակարդակներով կապի մեջ են եղել երկու կողմերի հետ, և մենք հույս ունենք, որ առճակատումը կավարտվի հնարավորինս շուտ»,- հավելել է աղբյուրը։
Նպատակն է «իրավիճակի լիցքաթափումը և դրա վերահսկողությունից դուրս գալը կանխելը»։
Դոհան հայտնում է, որ ուրբաթ օրը Աֆղանստանի արտաքին գործերի նախարարի պաշտոնակատար Մավլավի Ամիր Խան Մութթաքին զանգահարել է Կատարի գլխավոր բանակցող Մոհամմեդ Ալ-Խուլայֆիին։
Սաուդյան Արաբիայի արտաքին գործերի նախարար, արքայազն Ֆեյսալ բին Ֆարհանը, նույնպես զրուցել է իր պակիստանցի գործընկեր Իսհակ Դարի հետ։
Թարգմանությունը`Էմմա Չոբանյանի
