27.02.2026 | 16:06
Հենրիխ Մխիթարյանը՝ կարիերան ավարտելու ժամկետների ու մարզիչ դառնալու հավանականության մասին
Ղազախստանում սրճարանում գազի պայթյունի հետևանքով յոթ մարդ է զոհվել
Քաղաքականություն
27.02.2026 | 12:58
Ղազախստանի Շչուչինսկ քաղաքում սրճարանում տեղի ունեցած պայթյունի հետևանքով զոհվել է յոթ մարդ, այդ թվում՝ անչափահաս աղջիկ։ Այս մասին հայտնում է Ակմոլա շրջանի ակիմատի (տեղական գործադիր մարմնի) մամուլի ծառայությունը, գրում է ՌԲԿ-ն։
Կան վիրավորներ։ «Տասներեքը բուժվում են Բուրաբայի շրջանային հիվանդանոցում։ Վեց մարդ դուրս է գրվել ամբուլատոր հսկողության համար», – ասվում է հայտարարության մեջ։
Նշվում է, որ հինգ տուժածներ ԱԻՆ շտապօգնության մեքենայով տեղափոխվել են Կոկշետաու քաղաք՝ բժիշկների ուղեկցությամբ։ Եվս երկու բնակիչ պատրաստվում են տեղափոխման։
Փետրվարի 26-ի լույս 27-ի գիշերը Շչուչինսկի բնակելի շենքին կից սրճարանում գազի պայթյուն էր տեղի ունեցել: Դեպքի վայր ժամանելուն պես հրշեջները այրվող շենքից հանել են գազի ութ բալոն, ավելի վաղ հայտնել էր քաղաքային վարչակազմը:
Թարգմանությունը` Էմմա Չոբանյանի
