28.07.2026 | 10:49
ԶՈՒ-ում մեկնարկել են զինվորական երդման արարողությունները
«Նոան» խոշոր հաշվով պարտվեց «ԱԶ Ալկմարին» ու դուրս մնաց Կոնֆերենցիաների լիգայից․ ՏԵՍԱՆՅՈՒԹ
27.02.2026 | 01:53
Երևանի «Նոան» ավարտեց մրցելույթը ֆուտբոլի Կոնֆերենցիաների լիգայում։
Անցումային փլեյ-օֆֆի պատասխան խաղում Հայաստանի չեմպիոնը հյուրընկալվելիս 0։4 հաշվով պարտվեց նիդերլանդական «ԱԶ Ալկմարին», որին Երևանում հաղթել էր 1։0 հաշվով (տեսանյութ)։
Նիդերլանդների Ալկմար քաղաքի «Աֆաս» ստադիոնում կայացած խաղում դաշտի տերերին հաջողվեց արագ գոլ խփել։ 5-րդ րոպեին հաշիվը բացեց նիդերլանդցի վինգեր Ռո-Զանգելո Դալը։ 39-րդ րոպեին «ԱԶ Ալկմարի» առավելությունը կրկնապատկեց թիմի ավագ, նիդերլանդցի կիսապաշտպան Սվեն Մեյնանսը։
Երկրորդ խաղակեսում տանտերերը խփեցին ևս երկու գոլ։ 54-րդ րոպեին Մեյնանսը դարձավ նաև դուբլի հեղինակ, իսկ հանդիպման վերջնական հաշիվն ավելացված ժամանակում ձևակերպեց փոխարինման մտած Իսակ Յենսենը։
«ԱԶ Ալկմարը» երկու խաղերի արդյունքում հաղթեց 4։1 հաշվով և դուրս եկավ 1/8 եզրափակիչ, որտեղ կմրցի կամ Աթենքի ԱԵԿ-ի (Հունաստան), կամ Պրահայի «Սպարտայի» (Չեխիա) հետ։
«Նոան» առաջին հայկական ակումբն է, որը խաղաց Կոնֆերենցիաների լիգայի փլեյ-օֆֆում։
Հիշեցնենք, որ Կոնֆերենցիաների լիգայում «Նոան» հաղթել էր խորվաթական «Ռիեկային» (1։0) ու լեհական «Լեգիային» (1։0), ոչ-ոքի խաղացել ռումինական «Ունիվերսիտատեա Կրայովայի» (1։1) ու շոտլանդական «Աբերդինի» (1։1) հետ, պարտվել Չեխիայի գավաթակիր «Սիգմային» (1։2) ու Ուկրաինայի չեմպիոն Կիևի «Դինամոյին» (0։2)՝ Լիգայի փուլում գրավելով 19-րդ տեղը։
Լուսանկարը՝ «Նոայի» մամուլի ծառայության։
