26.02.2026 | 15:05
Ժնևում մեկնարկել է Իրան-ԱՄՆ միջուկային բանակցությունների երրորդ փուլը
Ռոնալդուի գոլն օգնել է «Ալ Նասրին» դառնալ առաջատար․ ՏԵՍԱՆՅՈՒԹ
26.02.2026 | 12:12
Սաուդյան Արաբիայի առաջնության հերթական տուրում «Ալ Նասրը» սեփական խաղադաշտում 5։0 հաշվով վստահ հաղթանակ է տարել «Ալ Նաջմայի» նկատմամբ։
Հանդիպման հաշիվը 7-րդ րոպեին բացել է 41-ամյա պորտուգալացի հարձակվող Կրիշտիանու Ռոնալդուն՝ անվրեպ իրացնելով 11-մետրանոց հարվածը։ «Ոսկե գնդակի» 5-ակի դափնեկիրը խփել է կարիերայի 965-րդ գոլը։
«Ալ Նասրի» կազմում դուբլի հեղինակ է դարձել իսպանացի պաշտպան Ինյիգո Մարտինեսը, մեկական գոլ են խփել ֆրանսիացի վինգեր Կինգսլի Կոմանն ու սենեգալցի հարձակվող Սադիո Մանեն։
Այդ հաղթանակի շնորհիվ «Ալ Նասրը» դարձել է առաջատար՝ վաստակելով 58 միավոր։ Երկրորդ տեղում գտնվող «Ալ Ահլին» ունի 56 միավոր, իսկ լավագույն եռյակը եզրափակող «Ալ Հիլյալը»՝ 55։ Ընթացիկ առաջնությունում Կրիշտիանու Ռոնալդուն 21 խաղում դարձել է 21 գոլի ու 2 ասիստի հեղինակ։
