Հայաստանը կդառնա կամ արդեն դարձել է հիբրիդային սպառնալիքների թիրախ․ Եվրոպայի խորհրդի գրասենյակի ղեկավար․ ՏԵՍԱՆՅՈՒԹ

Լուրեր

22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
22.11.2026 | 13:13
Հրապարակվել են նոյեմբերի 29-ի ՏԻՄ ընտրությունների ընտրողների վերջնական ցուցակները
22.11.2026 | 12:59
Հայաստանն ու Իրանը քննարկել են բարձր տեխնոլոգիաների ոլորտում համագործակցության հեռանկարները
22.11.2026 | 12:13
Փաշինյանը հանդիպել է Digitec 2026-ին մասնակցող ՏՏ ընկերությունների ղեկավարների հետ
22.11.2026 | 11:57
Թրամփը լուսանկար է հրապարակել Պուտինի հետ և կրկին նրան իր ընկերն անվանել
22.11.2026 | 11:45
Հայաստանն ու Լիբանանը պետք է շարունակեն ամրապնդել քաղաքական երկխոսությունը․ Փաշինյանի ուղերձը
22.11.2026 | 11:18
Նոյեմբերի 22-ին Մալաթիա-Սեբաստիա վարչական շրջանի մի շարք հասցեներում ջուր չի լինի
22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
Բոլորը

«Եվրոպայի խորհրդի անունից ցանկանում եմ մեր անկեղծ երախտագիտությունը հայտնել անդամ պետություններին իրենց առատաձեռն ներդրումների համար, ինչպես նաև մեր խորին գնահատանքը՝ Հայաստանի իշխանությունների կողմից ցուցաբերած հաստատակամ հանձնառության և վճռականության համար, ինչը հնարավոր դարձրեց այս նախագծի մեկնարկը Եվրոպայի խորհրդի 2023-2026 թթ. գործողությունների ծրագրի շրջանակներում»,- այս մասին «Խոսքի և մամուլի ազատության և տեղեկատվության հասանելիության խթանումը Հայաստանում» ծրագրի մեկնարկի ժամանակ հայտարարեց Եվրոպայի խորհրդի գրասենյակի ղեկավար Մաքսիմ Լոնգանգեն։

Նրա խոսքով՝ Եվրոպայի խորհրդին անդամակցելուց ի վեր Հայաստանը նշանակալի առաջընթաց է գրանցել մեդիա միջավայրի և օրենսդրական դաշտի բարելավման հարցում։ ՀՀ-ն նաև վերահաստատել է իր հանձնառությունը՝ 2022 թվականի մայիսին վավերացնելով Պաշտոնական փաստաթղթերի հասանելիության մասին Եվրոպայի խորհրդի կոնվենցիան, որը հայտնի է նաև որպես «Թրոմսոյի կոնվենցիա»։

«Միևնույն ժամանակ, ապատեղեկատվության և կեղծ տեղեկատվության հետ կապված մարտահրավերները շարունակում են ազդել հանրային տեղեկատվական դաշտի վրա։ Իրականում, մենք հենց նոր՝ նախքան այս հանդիպման մեկնարկը, քննարկում էինք, որ սա երկար սպասված նախագիծ է և այն իրականացվում է շատ պատշաճ պահի։

Այժմ, նայելով Եվրոպայի ընդհանուր պատկերին, ցանկանում եմ նաև նշել, որ Եվրոպայի խորհրդի նոր ծրագրում սահմանված սկզբունքները նաև ուղղակիորեն կապված են մեդիա ազատության ապահովման և ժողովրդավարական հաստատությունների դիմակայունության ամրապնդման հետ՝ ընդդեմ ներկայիս մարտահրավերների, ինչպիսիք են ապատեղեկատվությունը, օտարերկրյա տեղեկատվական մանիպուլյացիան և միջամտությունը (FIMI), արհեստական բանականությամբ պայմանավորված մանիպուլյացիաները կամ այլ գործիքները, որոնք օգտագործվում են աշխարհում ժողովրդավարությունները թուլացնելու համար»,- նշեց նա։

Լոնգանգեն հայտնեց նաև, որ այս մարտահրավերներին դիմակայելու կոնկրետ և ռազմավարական նախաձեռնությունների թվում անցյալ տարվա նոյեմբերին ստեղծվել է օտարերկրյա տեղեկատվական մանիպուլյացիայի և միջամտության (FIMI) հարցերով փորձագետների ենթակոմիտե։ Այն հանձնարարական է ստացել պատրաստել նպատակահարմարության ուսումնասիրություն՝ Եվրոպայի խորհրդի նոր գործիքի վերաբերյալ, որն ուղղված կլինի օտարերկրյա տեղեկատվական մանիպուլյացիաների և միջամտության կանխմանը։

«Հուսով ենք, որ այս զեկույցը պատրաստ կլինի մինչև մայիս, և միգուցե սա հանգեցնի այս հարցի վերաբերյալ նոր պայմանագրի ստեղծմանը։ Այժմ անդրադառնալով ներպետական պատկերին՝ կարևոր է նաև նշել, որ քանի որ Հայաստանն այս տարի պատրաստվում է առաջիկա խորհրդարանական ընտրություններին, երկիրը, հավանաբար, կդառնա կամ իրականում արդեն իսկ դարձել է տեղեկատվական մանիպուլյացիայի և ժողովրդավարության դեմ ուղղված հիբրիդային այլ տեսակի սպառնալիքների թիրախ։ Այնուամենայնիվ, արդարացի կլինի ասել, որ այս տեսակի մարտահրավերները լիովին նոր չեն Հայաստանի համար, և երկիրն ունի փորձ նմանատիպ մարտահրավերներին դիմակայելու հարցում, և ժամանակի ընթացքում զարգացրել է որոշակի դիմակայունություն»,- նշեց ԵԽ գրասենյակի ղեկավարը։

Մանրամասները՝ տեսսանյութում։