17.08.2026 | 10:23
Բելգորոդի իշխանությունները հայտնել են Կոլոսկովո գյուղի վրա հրթիռային հարվածի հետևանքով 6 զոհի մասին
Ադրբեջանը չի մասնակցի Հայաստանում կայանալիք Եվրոպական քաղաքական համայնքի գագաթնաժողովին. Բայրամով
Քաղաքականություն
26.02.2026 | 11:07
«Ադրբեջանի մասնակցությունը տարբեր մակարդակներով Հայաստանում կայանալիք Եվրոպական քաղաքական համայնքի գագաթնաժողովին նախատեսված չէ»,- այս մասին լրագրողներին ասել է Ադրբեջանի արտաքին գործերի նախարար Ջեյհուն Բայրամովը։
Նա նշել է, որ նման այց նախատեսված չէ նախագահ Իլհամ Ալիևի մայիս ամսվա խիտ գրաֆիկում և օրացույցում։
«Իմ ունեցած տեղեկությունների համաձայն՝ Ադրբեջանի նախագահի մասնակցությունը Եվրոպական քաղաքական համայնքի գագաթնաժողովին, որը տեղի կունենա մայիսին Հայաստանում, չի նախատեսվում։ Այս ձևաչափում ներկայացուցչությունն իրականացվում է բացառապես պետությունների ղեկավարների մակարդակով, ինչը համապատասխանում է դրա սկզբնական հայեցակարգին։ Որքանով ինձ հայտնի է, նախագահ Իլհամ Ալիևի՝ մայիսին Հայաստան այցը նախատեսված չէ», – հայտարարել է Ադրբեջանի արտգործնախարարը։
Նշենք, որ Եվրոպական քաղաքական համայնքի գագաթնաժողովը Երևանում տեղի կունենա մայիսի 4-ին։
Թարգմանությունը՝ Էմմա Չոբանյանի
