Օմանը հաստատում է՝ ԱՄՆ-Իրան բանակցությունների նոր փուլը տեղի կունենա Ժնևում հինգշաբթի օրը

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Իրանը և ԱՄՆ-ն հինգշաբթի օրը Ժնևում կանցկացնեն միջուկային բանակցությունների երրորդ փուլը, կիրակի օրը հայտարարել է Օմանի արտաքին գործերի նախարար Բադր Ալ Բուսաիդին՝ երկարամյա հակառակորդների միջև ռազմական հակամարտության ռիսկի վերաբերյալ մտահոգությունների աճի ֆոնին, գրում է The National-ը։

ԱՄՆ-ն ամրապնդել է իր ռազմական ներկայությունը Մերձավոր Արևելքում, իսկ ԱՄՆ նախագահ Դոնալդ Թրամփը հինգշաբթի օրը զգուշացրել է, որ «շատ վատ բաներ կպատահեն», եթե Թեհրանի միջուկային ծրագրի շուրջ երկարատև վեճը չլուծվի։ Թեհրանը սպառնում  է հակահարված տալ ցանկացած հարվածի՝ թիրախավորելով տարածաշրջանային ամերիկյան բազաները։

«Ուրախ եմ հաստատել, որ ԱՄՆ-Իրան բանակցությունները նախատեսված են այս հինգշաբթի Ժնևում՝ դրական ազդակով՝ գործարքի ավարտման ուղղությամբ լրացուցիչ ջանքեր գործադրելու համար», – ասել է Ալ Բուսաիդը, որը միջնորդ է Վաշինգտոնի և Թեհրանի միջև անուղղակի բանակցություններում։

Իրանի նախագահ Մասուդ Փեզեշքիանը կիրակի օրը X-ում գրառման մեջ զգուշավոր լավատեսություն է հայտնել՝ նշելով, որ վերջին բանակցությունները «խրախուսող ազդանշաններ են տվել», միաժամանակ մատնանշելով Թեհրանի պատրաստակամությունը «ցանկացած հնարավոր սցենարի»։

ԱՄՆ-ն շաբաթներ շարունակ սպառնում է հարվածներ հասցնել Իրանին։ «Նրանք յուրաքանչյուր սցենարի համար ինչ-որ բան ունեն։  Սցենարներից մեկով վերացվում են այաթոլլան, նրա որդին և մոլլաները», – Axios-ին ասել է Թրամփի ավագ խորհրդականը. «Ինչ կընտրի նախագահը, ոչ ոք չգիտի։ Ես չեմ կարծում, որ նա գիտի»։

Այս շաբաթ Հորմուզի նեղուցում ԱՄՆ-ի և Իրանի ռազմածովային ուժերի տեղակայումից հետո լարվածությունը շարունակում է բարձր մնալ։

ԱՄՆ-ի և Իրանի միջև բանակցությունների վերջին փուլը տեղի է ունեցել Ժնևում երեքշաբթի օրը։ Բանակցություններից հետո ԱՄՆ պաշտոնյաները հայտարարել էին, որ «առաջընթաց է գրանցվել, բայց դեռ շատ մանրամասներ կան քննարկելու»։ Հինգշաբթի  Թրամփը Իրանին 10-15 օրվա ժամկետ էր տվել համաձայնության գալու համար։

Հիմքում ուրանի հարստացման հարցն է։ Իսրայելը և ԱՄՆ-ն հայտարարել են, որ ցանկանում են՝ Իրանը դադարեցնի հարստացման գործողությունները և ապամոնտաժի գործարանները։ Իրանը ցանկանում է պահպանել վառելիքի արտադրության որոշակի հզորություն խաղաղ նպատակներով։

ԱՄՆ նախագահը շաբաթներ շարունակ զգուշացրել է հարվածների հնարավորության մասին, սկզբում Իրանի կողմից համազգային բողոքի շարժման ճնշման ֆոնին, ապա այն բանից հետո, երբ Վաշինգտոնն ու Թեհրանը կրկին նստեցին բանակցությունների սեղանի շուրջ՝ քննարկելու Իրանի միջուկային ծրագիրը։

Թարգմանությունը՝ Էմմա Չոբանյանի