28.07.2026 | 11:08
Փոփոխություններ տրանսպորտային միջոցների հաշվառման պահանջարկ ունեցող համարանիշերի չափորոշիչներում․ ՈՒՂԻՂ
Պուտինը ՌԴ ԱԳ փոխնախարարին Թուրքիայում դեսպան է նշանակել
Քաղաքականություն
20.02.2026 | 14:14
ՌԴ նախագահ Վլադիմիր Պուտինը Սերգեյ Վերշինինին ազատել է փոխարտգործնախարարի պաշտոնից և նշանակել Թուրքիայում Ռուսաստանի նոր դեսպան, գրում է The Insider-ը։
Վերշինինը 2018 թվականի մարտից զբաղեցրել է ԱԳ փոխնախարարի պաշտոնը, իսկ մինչ այդ եղել է ԱԳՆ Մերձավոր Արևելքի և Հյուսիսային Աֆրիկայի դեպարտամենտի ղեկավարը։ 2011 թվականից նա նաև եղել է Մերձավոր Արևելքի խաղաղության գործընթացի հարցերով արտգործնախարարի հատուկ ներկայացուցիչը՝ ներկայացնելով Ռուսաստանը Մերձավոր Արևելքի քառյակի բանակցություններում։
2013 թվականից Սերգեյ Վերշինինը ներգրավված է եղել սիրիական խաղաղության գործընթացում։ 2017 թվականին նա դարձել է Աստանայի բանակցություններում ռուսական պատվիրակության ղեկավարը և մասնակցել սիրիական ընդդիմության ներկայացուցիչների հետ հանդիպումներին Ժնևում և Վիեննայում։
Թարգմանությունը՝ Էմմա Չոբանյանի
