Հայաստանի չեմպիոն «Նոայի» ու նիդերլանդական «ԱԶ Ալկմարի» միջև Կոնֆերենցիաների լիգայի անցումային փլեյ-օֆֆի առաջին հանդիպումը կսպասարկեն Իսրայելը ներկայացնող մրցավարներ։
Հանդիպման գլխավոր մրցավար է նշանակվել Օրել Գրինֆելդը, որին եզրերում կօգնեն Ռոյ Հասանն ու Իդան Յարկոնին, հաղորդում է ՈՒԵՖԱ-ի մամուլի ծառայությունը։
Օրել Գրինֆելդը սպասարկում է Իսրայելի առաջնության հանդիպումներ, ինչպես նաև աշխատել է Եվրոպա լիգայի այս մրցաշրջանի երեք խաղում։ Ընթացիկ առաջնությունում մրցավարը սպասարկել է 18 հանդիպում, 9 անգամ նշանակել 11-մետրանոց հարված ու ցույց տվել 4 կարմիր քարտ։
«Նոա» – «Ազ Ալկմար» հանդիպումը կկայանա փետրվարի 19-ին Երևանի Վազգեն Սարգսյանի անվան «Հանրապետական» ստադիոնում ու կմեկնարկի 21։45-ին։ Պատասխան խաղը կկայանա մեկ շաբաթ անց Նիդերլանդներում։ «Նոայի» ու «Ազ Ալկմարի» դիմակայության հաղթողը 1/8 եզրափակիչում մրցելու է կամ Աթենքի ԱԵԿ-ի (Հունաստան), կամ Պրահայի «Սպարտայի» (Չեխիա) հետ։
