22.04.2026 | 23:30
ՀՀ տարածքում ավտոճանապարհները հիմնականում անցանելի են
Դատարանները եկեղեցուն պարտավորեցրել են ապահովել կարգալույծ եղած հոգևորականների պաշտոնավարումը
Հասարակություն
17.02.2026 | 13:46
Արմավիրի մարզի ընդհանուր իրավասության դատարանի դատավոր Սիմո Աբովյանը վարույթ է ընդունել կարգալույծ հռչակված հոգևորական Տեր Արամ քահանա Ասատրյանի հայցադիմումն ընդդեմ Հայ առաքելական եկեղեցու։
Վարույթ է ընդունվել նաև Տեր Թադե քահանա Թախմազյանի՝ Արամայիս Թախմազյանի հայցադիմումը։ Այս որոշումը կայացրել է դատավոր Հովհաննես Մելքոնյանը։
Դատարան դիմած Ստեփան Ասատրյանը պահանջում է անվավեր ճանաչել իրեն Սուրբ Հովհաննավանքի հոգևոր հովվի պաշտոնից կարգալույծ հռչակելու Գարեգին Բ Ամենայն Հայոց Կաթողիկոսի հայրապետական տնօրինությունը և որպես հետևանք իրեն վերականգնել պաշտոնում։
Հայցվոր Արամայիս Թախմազյանն էլ պահաջում է անվավեր ճանաչել իրեն Թալինի տարածաշրջանի հոգևոր հովվի պաշտոնից կարգալույծ հռչակելու հայրապետական տնօրինությունն ու իրեն վերականգնել նույն պաշտոնում։
Հայցադիմումին կից ներկայացվել են նաև հայցի ապահովման միջոց կիրառելու միջնորդություններ։
Մասնավորապես՝ Տեր Արամ քահանա Ասատրյանը՝ Ստեփան Ասատրյանը պահանջել է․
1․ Պարտավորեցնել պատասխանողին և այլ անձանց ամբողջությամբ և առանց խոչընդոտ ապահովել հայցվորի պաշտոնավարումը Սուրբ Հովհաննավանքի հոգևոր հովվի պաշտոնում,
2. Արգելել պատասխանողին և ցանկացած այլ անձին՝ իրականացնել որևէ գործողություն, որը կարող է որևէ կերպ խոչընդոտել հայցվորին, որպես Սուրբ Հովհաննավանքի Հոգևոր Հովվի իրականացնելու Հայաստանյաց Առաքելական Եկեղեցու կանոնադրության, ինչպես նաև կիրառելի այլ կանոններով թեմի առաջնորդի համար սահմանված իրավասություններն ու պարտականությունները։
Դատարանը միջնորդությունը բավարարել է մասնակի, այն է՝ պարտավորեցրել է «Հայաստանյայց Առաքելական Սուրբ Եկեղեցուն» և այլ անձանց ամբողջությամբ և առանց խոչընդոտ ապահովել Ստեփան Արտակի Ասատրյանի՝ Տ.Արամ քահանա Ասատրյանի պաշտոնավարումը Սուրբ Հովհաննավանքի Հոգևոր Հովվի պաշտոնում, մինչև քաղաքացիական գործով վերջնական դատական ակտի օրինական ուժի մեջ մտնելը:
Արամայիս Թախմազյանը՝ Տեր Թադե քահանա Թախմազյանը պահանջել է
1.պարտավորեցնել պատասխանողին և այլ անձանց՝ ամբողջությամբ և առանց խոչնդոտ ապահովել հայցվորի պաշտոնավարումը Թալինի տարածաշրջանի Հոգևոր հովվի պաշտոնում:
