07.06.2026 | 13:47
Ընտրողը քվեարկության է եկել ՀՀ քարտեզ-կրծքանշանով. վեճ՝ ընտրատեղամասում․ ՏԵՍԱՆՅՈՒԹ
Թրամփն Ուկրաինային խորհուրդ է տվել «հնարավորինս շուտ նստել բանակցությունների սեղանի շուրջ»
Քաղաքականություն
17.02.2026 | 11:40
Ժնևում Ուկրաինայի, Ռուսաստանի և Միացյալ Նահանգների միջև եռակողմ հանդիպումից առաջ ԱՄՆ նախագահ Դոնալդ Թրամփը կոչ է արել Ուկրաինային՝ «հնարավորինս շուտ նստել բանակցությունների սեղանի շուրջ», գրում է Meduza-ն։
Air Force One-ի ինքնաթիռում լրագրողները հարցրել են ԱՄՆ նախագահին, թե ինչ է նա ակնկալում փետրվարի 17-18-ը նախատեսված եռակողմ հանդիպումից։
«Ամեն ինչ շատ պարզ է լինելու։ Ավելի լավ է՝ առայժմ Ուկրաինան հնարավորինս շուտ նստի բանակցությունների սեղանի շուրջ, դա է ամբողջը, ինչ ձեզ կասեմ։ Մենք այնպիսի դիրքում ենք, որ ուզում ենք՝ նրանք նստեն բանակցությունների սեղանի շուրջ»,- ասել է Թրամփը։
Փետրվարի 17-18-ը Ժնևում նախատեսվում է Ուկրաինայի, Ռուսաստանի և ԱՄՆ-ի միջև եռակողմ հանդիպում։ Ռուսական պատվիրակությունը կգլխավորի նախագահի օգնական Վլադիմիր Մեդինսկին, իսկ ուկրաինական պատվիրակությունը՝ Անվտանգության և ազգային պաշտպանության խորհրդի քարտուղար Ռուստեմ Ումերովը։ Ամերիկյան կողմը կներկայացնեն Թրամփի հատուկ բանագնաց Սթիվ Ուիթկոֆը և ԱՄՆ նախագահի փեսան՝ Ջարեդ Քուշները, որոնք արդեն Մայամիից մեկնել են Ժնև։
Եռակողմ հանդիպումից մի քանի օր առաջ Թրամփը հայտարարել էր, որ Ռուսաստանը ցանկանում է գործարք կնքել, և որ Վլադիմիր Զելենսկին «պետք է գործի», հակառակ դեպքում, նա «կկորցնի հիանալի հնարավորությունը»։
Թարգմանությունը՝ Էմմա Չոբանյանի
