28.07.2026 | 12:23
«Էկոակտիվիզմը Հայաստանի համայնքներում 2025 թվականին» թեմայով համաժողով. ՈՒՂԻՂ
Բարձր եմ գնահատում Լիտվայի աջակցությունը Հայաստանին. ՀՀ նախագահ
Քաղաքականություն
16.02.2026 | 20:40
Հանրապետության նախագահ Վահագն Խաչատուրյանը շնորհավորական ուղերձ է հղել Լիտվայի Հանրապետության նախագահ Գիտանաս Նաուսեդային Ազգային տոնի կապակցությամբ՝ բարձր գնահատելով Լիտվայի աջակցությունը Հայաստանին՝ ուղղված Հայաստան-Եվրամիություն գործընկերային հարաբերությունների խորացմանն ու ամրապնդմանը։ Այս մասին տեղեկացնում են ՀՀ նախագահի աշխատակազմից։
«Ընթացիկ տարին նշանավորվում է Հայաստանի և Լիտվայի միջև դիվանագիտական հարաբերությունների հաստատման 35-ամյակով։ Գոհունակությամբ պետք է նշեմ, որ այս տարիների ընթացքում մեր երկրները հաստատվել են բարեկամական սերտ կապեր, որոնք աչքի են ընկել բարձր մակարդակի քաղաքական երկխոսությամբ:
Լիահույս եմ, որ առկա ձեռքբերումները ամուր հիմք կդառնան երկկողմ օրակարգի ընդլայնման համար:
Բարձր եմ գնահատում Լիտվայի աջակցությունը Հայաստանին՝ ուղղված Հայաստան-Եվրամիություն գործընկերային հարաբերությունների խորացմանն ու ամրապնդմանը, ինչպես նաև տարածաշրջանում խաղաղության ու կայունության հաստատմանը»,- մասնավորապես ասվում է ուղերձում:
