28.07.2026 | 12:53
Ադրբեջանի ԱԳՆ-ն արձագանքել է Զախարովայի՝ ԼՂ հակամարտության ու ՀԱՊԿ-ի մասին հայտարարությանը
Պուտինը ՌԴ Անվտանգության խորհրդից հեռացրել է Սերգեյ Իվանովին, որը 2007թ․ համարվում էր նրա հնարավոր իրավահաջորդը
Քաղաքականություն
16.02.2026 | 18:26
ՌԴ նախագահ Վլադիմիր Պուտինը հրամանագիր է ստորագրել Սերգեյ Իվանովին Ռուսաստանի Անվտանգության խորհրդից հեռացնելու մասին։ Փետրվարի սկզբին Պուտինն Իվանովին ազատեց շրջակա միջավայրի պաշտպանության, էկոլոգիայի և տրանսպորտի հարցերով իր հատուկ ներկայացուցչի պաշտոնից, գրում է Meduza-ն։
Կրեմլը պնդում էր, որ Իվանովն ինքն է հրաժարական տվել։
73-ամյա Սերգեյ Իվանովը Վլադիմիր Պուտինի ամենամտերիմ համախոհներից է, նրա հետ ծառայել է Լենինգրադի ՊԱԿ-ում։ 2001-2007 թվականներին Իվանովը զբաղեցրել է Ռուսաստանի Դաշնության պաշտպանության նախարարի, ապա առաջին փոխվարչապետի պաշտոնը՝ մինչև 2011 թվականը: 2011-2016 թվականներին նա զբաղեցրել է նախագահի աշխատակազմի ղեկավարի պաշտոնը։
2008 թվականի նախագահական ընտրություններից առաջ Սերգեյ Իվանովը, Դմիտրի Մեդվեդևի հետ միասին, համարվում էր Վլադիմիր Պուտինի հավանական իրավահաջորդը։ Սակայն, ի վերջո, «Եդինայա Ռոսիա» կուսակցությունը Մեդվեդևին առաջադրեց որպես նախագահի թեկնածու։
Թարգմանությունը՝ Էմմա Չոբանյանի
