30.09.2026 | 18:40
Հայ մարզիկները 5 ոսկե մեդալ են նվաճել մուայթայի միջազգային մրցաշարում
Ալեքսեյ Նավալնիի բիոնյութում Էպիբատիդին է հայտնաբերվել. փորձագետները հաստատում են թունավորումը
Քաղաքականություն
14.02.2026 | 19:27
Բիոնյութերի հետազոտության արդյունքում, որոնք ընտանիքին հաջողվել է արտասահման տեղափոխել Ալեքսեյ Նավալնիի մահից հետո, հայտնաբերվել է էպիբատիդին նյութ։ Այս մասին գրում է The Insider-ը՝ նշելով, որ մի քանի լաբորատորիաների փորձագետներ անկախ միմյանցից եկել են նույն եզրակացության։
Ըստ հրապարակման՝ Մեծ Բրիտանիայի, Շվեդիայի, Ֆրանսիայի, Գերմանիայի և Նիդերլանդների ներկայացուցիչները պատրաստվում են համատեղ հայտարարություն անել Մյունխենի անվտանգության համաժողովում։ Էպիբատիդինը նեյրոտոքսին է, որը ազդում է նիկոտինային և մուսկարինային ացետիլխոլինային ռեցեպտորների վրա՝ առաջացնելով մարմնի թմրածություն և արագ զարգացող կաթված, որը կարող է հանգեցնել շնչառության կանգի։
Հրապարակման մեջ նշվում է, որ բաց աղբյուրներում հայտնի Նավալնիի ախտանշանները համապատասխանում են էպիբատիդինի ազդեցությանը։ 2025 թվականի սեպտեմբերին Նավալնիի կինը հայտարարել էր, որ նրա մահից հետո հնարավոր է եղել ստանալ կենսաբանական նմուշներ և փոխանցել արտասահմանյան լաբորատորիաներ, որոնք հաստատել են թունավորման փաստը։
Հիշեցնենք՝ ռուսաստանցի ընդդիմադիր գործիչ Ալեքսեյ Նավալնին մահացել է 2024-ին, ուղղիչ գաղութում։
