21.05.2026 | 20:57
ՆԳՆ-ն սահմանափակել է ֆիշինգային SMS-ների տարածումը, բայց վտանգը պահպանվում է iMessage և RCS հարթակներում
Թուրքիայի արդարադատության նախարար է նշանակվել Ստամբուլի դատախազը, որը գլխավորում է ընդդիմության դեմ հետաքննությունները
Քաղաքականություն
11.02.2026 | 16:38
Թուրքիայի նախագահ Ռեջեփ Թայիփ Էրդողանը Ստամբուլի գլխավոր դատախազ Աքըն Գյուրլեքին նշանակել է արդարադատության նախարար, գրում է Turkish Minute-ը:
43-ամյա Գյուրլեքը լայնորեն հայտնի է ընդդիմադիր քաղաքական գործիչների, հիմնականում՝ գլխավոր ընդդիմադիր Ժողովրդահանրապետական կուսակցության (CHP) գործիչների դեմ հետաքննությունների վերահսկմամբ և նրանց դեմ դատական հայցեր ներկայացնելով՝ իր գործողությունների քննադատության պատճառով։
Որպես Թուրքիայի ամենամեծ քաղաքի գլխավոր դատախազ՝ Գյուրլեքն անցյալ տարվա մարտին Ստամբուլի ազդեցիկ քաղաքապետ Էքրեմ Իմամօղլուի կալանքի օրդեր էր տվել, մի քայլ, որը համարվում է քաղաքական դրդապատճառներ ունեցող և հանգեցրել է երկրի վերջին տասնամյակում ամենածանր փողոցային անկարգություններին։
Ձերբակալումը տեղի էր ունեցել ընդամենը մի քանի օր առաջ այն բանից, երբ Իմամօղլուն, որը համարվում էր միակ քաղաքական գործիչը, որը կարող է հաղթել Էրդողանին ընտրություններում, նշանակվել էր CHP-ի թեկնածու 2028 թվականի նախագահական ընտրություններում։ Հետագայում նա ձերբակալվեց։
Արդարադատության նախկին փոխնախարար Գյուրլեքը հակառակորդների կողմից մեղադրվում է Էրդողանի մրցակիցներին հետապնդելու մեջ։ Գյուրլեքի՝ Ստամբուլի գլխավոր դատախազի պաշտոնում 2024 թվականի հոկտեմբերին նշանակվելուց ի վեր ձերբակալվել է CHP-ի ավելի քան 15 քաղաքապետ, որոնց մեծ մասը՝ կոռուպցիայի մեղադրանքներով։ Նա նաև հետաքննություն է սկսել CHP-ի հարյուրավոր անդամների նկատմամբ՝ կաշառակերությունից մինչև ահաբեկչական կապերի և նախագահին վիրավորելու մեղադրանքներով։
Գյուրլեքն արդարադատության նախարարի պաշտոնում կփոխարինի Յըլմազ Թունչին։
Հաղորդվում է նաև ներքին գործերի նախարար Ալի Երլիքայայի հրաժարականի մասին։ Այս պաշտոնը կվստահվի Էրզրումի նահանգապետ Մուստաֆա Չիֆթչիին։
Թարգմանությունը՝ Էմմա Չոբանյանի
