Firebird-ը և ԱՄՆ կառավարությունը հայտարարում են Հայաստանում 4 մլրդ դոլարի ԱԲ մեգանախագծի 2-րդ փուլի մասին

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

ԱՄՆ-ում գործող արհեստական ​​բանականության ամպային և ենթակառուցվածքային Firebird ընկերությունը հայտարարել է իր արհեստական բանականության գերհաշվարկային մեգանախագծի երկրորդ փուլի մասին, որն ԱՄՆ-ից արտահանման լիցենզիա և կարգավորող մարմինների հաստատումներ է ապահովում Հայաստան՝ լրացուցիչ 41,000 NVIDIA GB300 գրաֆիկական պրոցեսորների (GPU) վաճառքի և մատակարարման համար:

Նշվում է, որ ընդլայնված կլաստերը նշանավորում է կարևոր նվաճում, որը Հայաստանը դարձնում է աշխարհի հինգ խոշորագույն արհեստական ​​բանականության գրաֆիկական պրոցեսորների կլաստերներից մեկը, որտեղ 4 միլիարդ դոլար արժողությամբ նախագիծը ներկայացնում է երկրի պատմության մեջ տեխնոլոգիական առումով ամենակարևոր կապիտալ ներդրումներից մեկը։

Այս մասին հայտարարվել է ԱՄՆ փոխնախագահ Ջեյ Դի Վենսի՝ Երևան կատարած պաշտոնական այցի ժամանակ, որի մանրամասները բացահայտվել են ՀՀ վարչապետ Նիկոլ Փաշինյանի, NVIDIA-ի Omniverse և Simulation Technology-ի փոխնախագահ, Ռև Լիպարիտյանի և Firebird-ի համահիմնադիրներ Ռազմիկ Հովակիմյանի ու Ալեքսանդր Եսայանի հետ համատեղ մամուլի ասուլիսում։

«Ուրախ եմ նշել, որ օգոստոսի 8-ին Հայաստանի և Միացյալ Նահանգների միջև կիսահաղորդիչների և արհեստական ​​բանականության ոլորտներում ստորագրված հուշագիրը կյանքի կկոչի Firebird-ի կողմից իրականացվող մեգանախագիծը՝ Հայաստանում արհեստական ​​բանականության գործարան և տվյալների կենտրոն կառուցելու համար։ Հուսով եմ, որ բարձր տեխնոլոգիաների ոլորտում Հայաստանի և Միացյալ Նահանգների միջև հաստատված սերտ և թափանցիկ համագործակցությունը թույլ կտա մեզ ավելի զարգացնել և ամրապնդել հայկական և ամերիկյան ընկերությունների միջև փոխշահավետ գործընկերությունը»,- մեկնաբանել է Նիկոլ Փաշինյանը։

ԱՄՆ փոխնախագահ Ջեյ Դի Վենսը, իր հերթին, նշել է. «Այսօր նշանավորվում է Հայաստանի և Միացյալ Նահանգների միջև համագործակցության նոր սկիզբ։ Վարչապետը հիշատակեց այս անհավանական տեխնոլոգիական գործարքը. Միացյալ Նահանգները հպարտությամբ հաստատեց այս հրաշալի տեխնիկական համաձայնագիրը NVIDIA-ի համար։ Սա նշանակում է նոր շուկաներ և նոր աշխատատեղեր՝ ինչպես ամերիկյան աշխատուժի և ընկերությունների, այնպես էլ Հայաստանի համար։ Սրանք չիպեր են, որոնք պարզապես գոյություն չունեն աշխարհի մեծ մասում, դրանք հիմա մշակվելու են, և այդ չիպերն օգտագործող տվյալների կենտրոնները կառուցվելու են Հայաստանում՝ վարչապետի ղեկավարության շնորհիվ»։

Նշվում է, որ ԱՄՆ-ից վերջերս ստացված արտահանման լիցենզիան թույլատրում է NVIDIA-ի առաջադեմ սարքավորումների վաճառքն ու ներմուծումը Հայաստան՝ ամրապնդելով նախագծի լիարժեք համապատասխանությունը ԱՄՆ կարգավորող շրջանակներին և ընդգծելով նախաձեռնությանն աջակցող ինստիտուցիոնալ վստահության բարձր մակարդակը։

Երկրորդ փուլը հիմնված է Firebird-ի կողմից նախկինում հայտարարված առաջին փուլի վրա՝ 500 միլիոն դոլարի ներդրում, որը հիմք դրեց Հայաստանի առաջին բարձր արդյունավետությամբ արհեստական ​​բանականության հաշվողական կլաստերի ստեղծմանը: Երկու փուլերը միասին ներկայացնում են քայլ առ քայլ փոփոխություն Հայաստանի տեխնոլոգիական ենթակառուցվածքներում՝ հնարավորություն տալով հետազոտություններ անցկացնել կենսաբանական գիտությունների, ռոբոտաշինության, տիեզերքի և հաջորդ սերնդի արհեստական ​​բանականության կիրառությունների ոլորտներում։

«Firebird-ն ընդլայնում է ԱՄՆ-ի արհեստական ​​բանականության տեխնոլոգիաների առաջատարությունը գլոբալ մակարդակով՝ համահունչ մեր տեսլականին՝ արհեստական ​​բանականությունը բոլորի օգտին հասանելի դարձնելու համար։ Այս նոր կլաստերը Հայաստանը դարձնում է գլոբալ գերհաշվարկային կենտրոն՝ ցույց տալով, թե ինչպես կարող են վստահելի ԱՄՆ ենթակառուցվածքները հզորացնել զարգացող տնտեսությունները։ Մենք շնորհակալ ենք ԱՄՆ-ի և Հայաստանի կառավարություններին՝ ամերիկյան տեխնոլոգիաներին գլոբալ մասշտաբով գործելու հնարավորություն ընձեռելու գործում նրանց գործընկերության համար»,- ասել է Firebird-ի համահիմնադիր և գործադիր տնօրեն Ռազմիկ Հովակիմյանը։

Firebird-ի մեգանախագծը նախատեսված է Հայաստանում կայուն, համաշխարհային մակարդակով մրցունակ տեխնոլոգիական էկոհամակարգ ստեղծելու համար, որը հիմնված է անվտանգ ենթակառուցվածքների, միջազգային գործընկերության և երկարաժամկետ տնտեսական արժեքի վրա:

Թարգմանությունը՝ Էմմա Չոբանյանի