03.04.2026 | 22:27
Թրամփը խնդրել է ռեկորդային 1.5 տրիլիոն դոլարի ռազմական բյուջե՝ սոցիալական ծրագրերի կրճատման հաշվին
Էլեկտրահաղորդման գծեր ենք կառուցում նաև TRIPP նախագծի միջոցով. Ալիև
Քաղաքականություն
10.02.2026 | 12:56
Ադրբեջանը Սև ծովով դեպի Եվրոպա նոր էլեկտրահաղորդման գծեր է անցկացնում։ Այս մասին Ադրբեջանի նախագահ Իլհամ Ալիևը հայտարարել է ԱՄՆ Առևտրի պալատի պատվիրակության հետ հանդիպմանը։
«Ներկայում մեր կողմից իրականացվող նախագծերից մեկը նոր էլեկտրահաղորդման գծերի կառուցումն է՝ բացի արդեն իսկ գոյություն ունեցողներից, Ադրբեջանից Եվրոպա՝ Սև ծովի հատակով անցնող մալուխի միջոցով, ինչպես նաև TRIPP նախագծի միջոցով, որը նախաձեռնել է ԱՄՆ նախագահ Դոնալդ Թրամփը: Այս նախագիծը հնարավոր է դառնում Ադրբեջանի և Հայաստանի միջև խաղաղության հաստատումից հետո»,- ասել է Ալիևը:
Նա նաև նշել է, որ Ադրբեջանի տրանսպորտային և լոգիստիկ ենթակառուցվածքները պահանջվող չափանիշներին համապատասխանեցնելու համար արդեն շատ բան է արվել: Ծովային նավահանգիստն այժմ կարող է մշակել 15 միլիոն տոննա բեռ, իսկ ընդլայնումից հետո դրա հզորությունը կաճի մինչև 25 միլիոն տոննա, երկաթուղիներն արդիականացվում են:
Ալիևն ընդգծել է, որ կառուցվում է նոր երկաթուղի, որը կանցնի Հայաստանով և, ի վերջո, կդառնա Միջին միջանցքի ևս մեկ շարունակություն:
Միաժամանակ, Ադրբեջանի նախագահը հայտարարել է՝ Հայաստանին խաղաղություն են առաջարկել, և խաղաղությունը ձեռք է բերվել նախագահ Թրամփի օգնությամբ 2025 թվականի օգոստոսի 8-ին։
«Եվ հիմա մենք ոչ միայն վերացրել ենք Հայաստան բեռների տարանցման բոլոր սահմանափակումները, քանի որ Հայաստանը չունի հուսալի տրանսպորտային և հաղորդակցման ուղիներ, և Ադրբեջանի տարածքով տարանցումը բացառիկ նշանակություն ունի նրանց համար, այլև սկսել ենք նավթամթերք մատակարարել Հայաստան՝ համագործակցության առաջին հիմքերը դնելու համար»,- հայտարարել է Ալիևը։
Թարգմանությունը՝ Էմմա Չոբանյանի
