30.09.2026 | 23:29
FlyDubai-ի ինքնաթիռը բարեհաջող վայրէջքի տարած ռուս և ուկրաինացի օդաչուները սրահում եղել են ուղևորի կարգավիճակում
ԱՄՆ նախագահը Իրանի հետ բանակցությունները հաջող է համարել
Քաղաքականություն
07.02.2026 | 12:34
Վաշինգտոնը կարծում է, որ Թեհրանը ձգտում է համաձայնության իրանական միջուկային ծրագրի շուրջ, սակայն Միացյալ Նահանգները չի շտապում համաձայնության հասնել։
ԱՄՆ նախագահ Դոնալդ Թրամփը այս մասին հայտարարել է լրագրողների հետ զրույցում։
«Մենք շատ լավ բանակցություններ ենք ունեցել Իրանի շուրջ։ Իրանը շատ է ցանկանում համաձայնության հասնել։ Կտեսնենք, թե ինչպիսին կլինի այդ համաձայնագիրը։ Անցյալ անգամ նրանք որոշեցին չհասնել համաձայնության, բայց այս անգամ ամեն ինչ կարող է այլ կերպ լինել։ Մենք բավականաչափ ժամանակ ունենք։ Եթե նայեք Վենեսուելային, կտեսնեք, որ մենք որոշ ժամանակ սպասել ենք։ Մենք չենք շտապում Իրանի հետ», – ասել է Թրամփը։
ԱՄՆ-ի և Իրանի միջև անուղղակի բանակցությունների երկրորդ փուլը տեղի է ունեցել փետրվարի 6-ին Օմանի մայրաքաղաք Մասկատում։ Բանակցությունների ընթացքում Օմանը, որպես միջնորդ, հանդիպումներ է անցկացրել կողմերի հետ։
